રણવીર સિંહ અને સારા અલી ખાનની મોસ્ટ અવેઇટેડ ફિલ્મ ‘સિમ્બા’નું ટ્રેલર આખરે રિલીઝ થઇ ગયું છે. આ ટ્રેલર જોઇને સ્પષ્ટ રીતે કહી શકાય કે રોહિત શેટ્ટીની આ ફિલ્મ ઓડિયન્સને જરાય નિરાશ નહી કરે.
‘સિમ્બા’ તેલુગુમાં બનેલી ફિલ્મ ‘ટેંપર’ની હિન્દી રિમેક છે. ઓરિજનલ ફિલ્મમાં જૂનિયર એનટીઆરે લીડ રોલ કર્યો હતો. ‘સિમ્બા’આ ફિલ્મમાં રણવીર સિંહ એક કરપ્ટ પોલીસ અધિકારીનો રોલ નિભાવી રહ્યો છે જેને જોઇને ક્યાંકને ક્યાંક દંબગના સલમાન ખાનની યાદ આવી જશે. આ ઉપરાંત ફિલ્મમાં અજય દેવગનનો પણ 'સિંઘમ' તરીકેનો કેમિયો રોલ છે. આથી આ ફિલ્મમાં સિંઘમના ચાહકોને પણ જોરદાર સરપ્રાઇઝ મળશે.
‘સિમ્બા’ના ટ્રેલરમાં રણવીર સિંહની સાથે સારા અલી ખાનની પણ ઝલક જોવા મળી રહી છે જે ફિલ્મમાં રણવીર સિંહની પ્રેમિકાના રોલમાં છે.
‘સિમ્બા’ ક્રિસમસ બાદ 28 ડિસેમ્બરે રિલીઝ થશે. આર રણવીર સિંહની પહેલી ફિલ્મ હશે જેનું ડાયરેક્શન રોહિત શેટ્ટી કરી રહ્યાં છે. ટ્રેડ એનાલિસ્ટના અનુસાર ‘સિમ્બા’ ફિલ્મ સારી કમાણી કરી શકે છે.