IPLIN
 
  • Home
  • Entertainment
  • Bollywood
  • director Ramgopal Varma apologizes to Kangana Ranaut after watching trailer of Thalaivi says I salute you

બોલિવૂડ / 'થલાઈવી'નું ટ્રેલર જોયા બાદ બોલિવૂડના આ દિગ્ગજ ડિરેક્ટરે કંગનાની માંગી માફી, કહ્યું- હું તને સલામ કરું છું અને...

Team VTV 09:32 AM, 25 Mar 21 | Updated: 09:34 AM, 25 Mar 21
Follow us
director Ramgopal Varma apologizes to Kangana Ranaut after watching trailer of Thalaivi says I salute you

બોલિવૂડ એક્ટ્રેસ કંગના રાનૌત તેની આગામી ફિલ્મ થલાઈવીને લઈને ઘણી જ ચર્ચામાં છે. ત્યારે બોલિવૂડના દિગ્ગજ ડિરેક્ટરે તેની માફી માંગી. જાણો શું છે મામલો.

  • કંગના તેની આગામી ફિલ્મ થલાઈવીને લઈને ઘણી જ ચર્ચામાં છે
  • હાલમાં જ કંગનાને ચોથીવાર બેસ્ટ એક્ટ્રેસનો નેશનલ એવોર્ડ મળ્યો છે
  • બોલિવૂડના દિગ્ગજ ડિરેક્ટરે તેની માફી માંગી

હાલમાં જ કંગનાને ચોથીવાર બેસ્ટ એક્ટ્રેસનો નેશનલ એવોર્ડ મળ્યો છે. જ્યારે બીજી બાજુ તેની મોસ્ટ અવેટેડ ફિલ્મ 'થલાઇવી'નું ધમાકેદાર ટ્રેલર પણ રિલીઝ થઈ ગયું. ટ્રેલર જોઇને લોકો સોશિયલ મીડિયા પર તેના કામના વખાણ કરી રહ્યાં છે. ફિલ્મનું ટ્રેલર જોયા પછી રામગોપાલ વર્માએ કંગનાની પ્રશંસા ખૂબ પ્રસંશા કરી અને તેની પાસે માફી માંગી અને કહ્યું કે વિશ્વમાં આવી કોઈ બહુમુખી પ્રતિભાશાળી અભિનેત્રી નથી.

બોલિવૂડના જાણીતા ફિલ્મ નિર્માતા રામ ગોપાલ વર્માએ તાજેતરમાં જ ટ્વિટ કરીને લખ્યું-  'કંગના.... હું કેટલીક વાતોમાં અને કેટલીક અતિશ્યોક્તિ અંગે અસંમત થઈ શકું છું, પણ હું તને સલામ કરું છું. સુપર ડુપર થલાઈવી માટે... ફિલ્મનું ટ્રેલર લાજવાબ છે અને હું કહી શકું છું કે સ્વર્ગમાં જયલલિતા પણ તેને જોઈને રોમાંચિત થઈ રહી હશે. '

'કંગના જે પણ મક્કમ અભિપ્રાય રાખે છે તેને આકરી પ્રતિક્રિયાઓ મળે જ છે. હું કબૂલ કરવા માંગુ છું કે મને લાગ્યું હતું કે તે વાતને બહુ વધારીને રજૂ કરી હતી, જ્યારે તે હોલિવૂડની મહાન હસ્તીઓ સાથે પોતાની સરખામણી કરી હતી. પરંતુ હવે હું માફી માંગુ છું અને સો ટકા સહમત છું કે આ દુનિયામાં તમારા જેવી કોઈ બહુમુખી અભિનેત્રી નથી. 

રામ ગોપાલ વર્માની વાત પર કંગનાએ લખ્યું, 'સર! ... હું તમારી સાથે સંમત છું... હું તમને ખૂબ જ પસંદ કરું છું અને હું હમેશાં તમારી ખૂબ પ્રશંસા કરું છું. અહમથી ભરેલી આ દુનિયામાં જ્યાં લોકો ઇગો અને ગૌરવને ખૂબ જ ઝડપથી હર્ટ કરે છે. તે જ સમયે, તમે કોઇપણ વાતને ગંભીરતાથી લેતા નથી. એટલે સુધી કે તમે  તમારી જાતને ગંભીરતાથી લેતા નથી. હું તમારી આ ક્વોલિટીની કદર કરું છું ... મારી પ્રશંસા કરવા બદલ આભાર '.

Kangana Ranaut apologizes Ramgopal Varma
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ