કંગના રનૌતના શોમાં મંદાના કરીમીએ ખુલાસો કર્યો છે કે ફેમસ ડાયરેક્ટરે મને પ્રેગ્નેન્ટ કરીને રિલેશન તોડી દીધુ હતું ત્યાર બાદ એક્ટ્રેસને એબોર્શન કરાવવું પડ્યું હતું.
મંદાના કરીમીનો મોટો ખુલાસો
ડાયરેક્ટરનો કર્યો પડદાફાર્શ
કંગનાના શોમાં છલકાયુ દુઃખ
બોલિવૂડ અભિનેત્રી કંગના રનૌત હાલ OTT રિયાલિટી શો 'લોક અપ' હોસ્ટ કરી રહી છે. અભિનેત્રીના આ શોમાં કન્ટેસ્ટન્ટના અંગત જીવન સાથે જોડાયેલા ચોંકાવનારા ખુલાસા થઈ રહ્યા છે. હવે આ યાદીમાં અભિનેત્રી મંદાના કરીમીનું નામ પણ જોડાઈ ગયું છે.
મંદાનાએ એક ફેમસ ડાયરેક્ટર સાથે રિલેશન વિશે વાત કરી છે. આ દરમિયાન બધા લોકો ફિલ્મ ઈન્ડસ્ટ્રીનું કાળું સત્ય જાણીને ચોંકી ઉઠ્યા હતા. જ્યારે મંદાનાનું દુઃખ સાંભળીને કંગનાની આંખોમાં પણ આંસુ આવી ગયા હતા.
કરાવ્યું પડ્યું હતું અબોર્શન
આ શોનો એક વીડિયો સોશિયલ મીડિયા પર વાયરલ થઈ રહ્યો છે જેમાં મંદાના કરીમી શોમાં પોતાનું દુખ વ્યક્ત કરતી જોવા મળી રહી છે. આ દરમિયાન અભિનેત્રીએ ફેમસ ડાયરેક્ટર સાથેના તેના સંબંધો વિશે વાત કરતા કહ્યું કે બંનેએ સેટલ થવાનું નક્કી કર્યું હતું અને બાળક માટે પણ પ્લાનિંગ કર્યું હતું. પરંતુ જ્યારે આવું થયું ત્યારે તે વ્યક્તિ ગભરાવા લાગ્યો અને મંદાનાએ ગર્ભપાત કરાવવો પડ્યો. આટલું કહેતાં મંદાના રડી પડી હતી. એટલું જ નહીં અભિનેત્રીની આ વાત સાંભળીને ત્યાં હાજર દરેકની આંખોમાં આંસુ આવી ગયા હતા.
ડાયરેક્ટરે આપ્યો દગો
શોના પ્રોમો વીડિયોમાં જોઈ શકાય છે કે જ્યારે કંગના રનૌત ઈમોશનલ સિક્રેટ શેર કરવાનું કહે છે. ત્યારે તેણે પહેલા બઝર દબાવ્યું હતું. મંદાના કહે છે, "તે સમયે હું મારા સેપ્રેશન સામે ઝઝૂમી રહી હતી. મારૂ એક સિક્રેટ રિલેશનશિપ હતું. હું એક ખૂબ જ જાણીતા ડાયરેક્ટર સાથે સંબંધ ધરાવતી હતી જેણે મહિલાઓના અધિકારો પર પણ કામ કર્યું હતું." તે ઘણા લોકો માટે એક આદર્શ પણ છે. અમે પ્રેગ્નેન્સીની પ્લાનિંગ કરી હતી. પરંતુ જ્યારે તે થયું ત્યારે તેણે પીછેહઠ કરી... તેણે મારા માટે બધું જ સમાપ્ત કરી દીધુ."