Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

Troll / અનુરાગ કશ્યપે છોડ્યું ટ્વિટર, છેલ્લી પોસ્ટમાં કહી આ વાત

અનુરાગ કશ્યપે છોડ્યું ટ્વિટર, છેલ્લી પોસ્ટમાં કહી આ વાત

અનુરાગ કશ્યપ દરેક મુદ્દા પર પોતાની સ્પષ્ટતા કરે છે. પરંતુ હવે એના કારણે અનુરાગને ધમકીઓ મળી રહી છે. અનુરાગે જણાવ્યું કે એમના પેરેન્ટ્સ અને પુત્રીને ધમકી મળી રહી છે અને એટલા માટે તે ટ્વિટર છોડી રહ્યો છે.

બોલીવુડના જાણીતા ડિરેક્ટર અનુરાગ કશ્યપ પોતાની સ્પષ્ટતા માટે જાણીતા છે. એ ફિલ્મો ઉપરાંત કોઇ પણ રાજકીય અને સામાજિક મુદ્દા પર પોતાના મંતવ્ય સ્પષ્ટતાથી રાખે છે. અનુરાગ સોશિયલ મીડિયા પર પણ ખૂબ એક્ટિવ રહે છે. પરંતુ હવે તેઓએ ટ્વિટર છોડી દીધું છે. 

ત દિવસોમાં કાશ્મીર પરથી કલમ 370 હટાવવા જવા પર તેણે નેગેટિવ ટ્વિટ કરી હતી. આ ટ્વિટ બાદ તેને સોશિયલ મીડિયા પર ઘણો જ ટ્રોલ કરવામાં આવ્યો હતો. તો આ પહેલાં ચૂંટણીમાં ભાજપનાં ભારે મતથી વિજય બાદ અનુરાગે ટ્વટિ કરીને PM મોદીને કહ્યું હતું કે, તેમનાં ફોલોઅર્સ તેની દીકરીને રેપની ધમકી આપે છે. અનુરાગની આ ટ્વિટ પર પણ ધણી બબાલ થઇ હતી. તેને કારણે તે ટ્વિટર છોડી રહ્યો છે. આ માટે તેણે તેનું ટ્વિટર અકાઉન્ટ પણ ડિલીટ કરી દીધુ છે. 

અનુરાગે ટ્વિટર છોડતા પહેલા જણાવ્યું કે એના પરિવારને ધમકીઓ મળી રહી છે. એને પોતાના ટ્વિટમાં લખ્યું, 'જ્યારે માતા પિતાને કોલ કરીને અને દીકરીને ઓનલાઇન ધમકીઓ મળી રહી છે તો તેનાં ઉપર કોઇ જ વાત ન થઇ શકે. કોઇ કારણ પણ નથી વાત કરવાનો. ઠગ શાસન કરશે અને ઠગી જીવવાનો નવો ઉપાય હશે. તમે દરેક લોકો ખુશ રહો અને સફળ થાવ એવી પ્રાર્થના કરું છું. આ મારું છેલ્લું ટ્વિટ હશે કારણ કે હું ટ્વિટર છોડી રહ્યો છું. જ્યારે હું ડર્યા વગર મનની વાત કહી નહીં શકતો તો હું બિલકુલ ના બોલવાનું પસંદ કરીશ.'

અનુરાગની આ ટ્વિટ બાદ તે ઘણો જ ચર્ચામાં છે. ટ્વિટર પર કેટલાંક લોકો તેનાં સમર્થનમાં આવ્યાં તો કેટલાંકે તેનો વિરોધ પણ કર્યો.

જોવા જેવું વધુ જુઓ

બ્રેકિંગ ન્યૂઝ