છેલ્લા 2 મહિનાથી દેશમાં રસોઈ ગેસનો સિલિન્ડર મોંઘો થયો છે જેનાથી સામાન્ય માણસને ઝટકો લાગ્યો છે. મોંઘવારીના સમયમાં પણ એક સરકારી યોજનાને આધારે તમે સસ્તામાં ગેસ સિલિન્ડર ખરીદી શકો છો. આ યોજનાની ખાસ વાત એ છે કે જો તમે તેનો લાભ લો છો તો રૂપિયા સીધા તમારા બેંક ખાતામાં આવે છે. અહીં વાત થઈ રહી છે પ્રત્યક્ષ લાભ અંતરણ (Direct Benefit Transfer) યોજનાની. આ યોજનાના આધારે તમે દરેક સિલિન્ડર પર સબ્સિડીની રકમ સીધી ગ્રાહકના બેંક ખાતામાં મેળવી શકો છો. જો તમે પણ આ સુવિધાનો લાભ લેવા ઈચ્છો છો તો તમારે તમારા આધારકાર્ડને LPG કનેક્શન સાથે જોડવું જરૂરી છે. તમે ઘરે બેઠા સરળ સ્ટેપ્સની મદદથી આ કામ કરીને તેનો લાભ મેળવી શકો છો.
આ સરકારી યોજનામાં સસ્તામાં મળશે ગેસ સિલિન્ડર
Direct Benefit Transfer યોજનાનો લાભ લેવા કરી લો આ કામ
આધારકાર્ડને LPG કનેક્શન સાથે જોડવું છે જરૂરી
જો તમે આ યોજનાનો લાભ લેવા ઈચ્છો છો તો તમે ઓનલાઈન, કોલ કરીને, આઈવીઆરએસ દ્વારા કે પછી એસએમએસ મોકલીને LPG કનેક્શનની સાથે આધારને જોડી શકો છો. કોરોના વાયરસના સમયમાં ભીડથી બચવું અને ઘરે બેસીને આ કામ કરવું. તો જાણી લો ઘરે બેઠા કઈ રીતે LPG કનેક્શનની સાથે આધારકાર્ડને લિંક કરી શકાશે.
સૌ પહેલાં તમારા મોબાઈલ નંબરને ગેસ કનેક્શન સાથે રજિસ્ટર કરાવો.
હવે અધિકૃત વેબસાઈટ https://rasf.uidai.gov.in/seeding/User/ResidentSelfSeedingpds.aspx પર જાઓ. અહીં તમારી સામે એક ફોર્મ ખૂલશે.
આ ફોર્મમાં તમારે જરૂરી જાણકારી ભરવાની રહેશે. બેનિફિટ ટાઈપમાં એલપીજી કનેક્શન ભરવાનું રહેશે. જેમકે ભારત ગેસ કનેક્શનને માટે BPCL અને ઈન્ડેન ગેસ કનેક્શનને માટે IOCL ભરો.
હવે ડ્રોપ ડાઉન લિસ્ટમાં વિતરકનું નામ પસંદ કરો અને એલપીજી ગ્રાહક સંખ્યા લખો.
આ પછી તમને મોબાઈલ નંબર, ઈમેલ, સરનામું અને આધારનંબર ભરીને તેને સબમિટ કરવાનું રહેશે.
આ પછી તમે રજિસ્ટર્ડ મોબાઈલ નંબર અને ઈમેલ આઈડી પર ઓટીપી મેળવશો. જેને ફોર્મમાં ભરવાનો રહેશે.
હવે સંબંધિત અધિકારી દ્વારા વેરિફાઈ કર્યા બાદ લિંક થવાની જાણકારી રજિસ્ટર્ડ મોબાઈીલ નંબર અને ઈમેલ આઈડી પર આપવામાં આવશે.