Viral video / દીપ સિદ્ધુનો વીડિયો વાયરલઃ સની દેઓલ પર લગાવ્યો ગંભીર આરોપ કહ્યું, હું ભાઇ માનતો હતો પણ...

• દીપ સિદ્ધુએ બનાવ્યો વીડિયો 
• સની દેઓલે દગો આપ્યાની કરી વાત 
• હિંસા ભડકાવવાનો છે દીપ પર આરોપ 

કોણ છે દીપ સિદ્ધુ
ખેડૂત રેલી દરમિયાન ખેડૂતોને ઉશ્કેરવાનો આરોપ જેના પર છે તે દીપ સિદ્ધુ. આરોપ તો તે પણ છે કે તેણે લાલ કિલ્લાના પ્રાંગણમાં ઝંડો લહેરાવ્યો હતો. બાદમાં આ જ રેલીમાં ખુબ હિંસા થઇ હતી. સની દેઓલ સાથે દીપ સિદ્ધુનું નામ જોડવામાં આવ્યું હતુ પરંતુ સનીએ કહી દીધુ કે તેનો દીપ સાથે કોઇ પણ સંબંધ નથી. 

દીપ સિદ્ધુએ વીડિયોમાં શું કહ્યું 
દીપ સિદ્ધુએ વીડિયોમાં કહ્યું કે, સની દેઓલે લોકો સાથે છેતરપિંડી કરી છે. પંજાબી ગાયક અને અભિનેતા દીપ સિદ્ધુએ કહ્યું કે, પોતાના જીવનના 20 દિવસ તે વિચારીને સની દેઓલને આપ્યા કે તે મારા ભાઇ છે પણ ક્યારેય બીજેપી માટે વોટ નથી માંગ્યો અને હવે આ લોકો તેવું કહી રહ્યાં છે કે હું આરએસએસ અને બીજેપીનો માણસ છું. સની દેઓલ હવે પોસ્ટ પર પોસ્ટ કરી રહ્યાં છે, 

દીપે કર્યો બિહારના ખેતરમાં હોવાનો દાવો
દીપે કહ્યું કે, મેં પંજાબ અને તેના લોકો માટે અવાજ ઉઠાવ્યો પરંતુ મને ગદ્દારની જેમ ટ્રીટ કરવામાં આવી રહ્યો છે. મને તે વાતનું દુઃખ નથી કે સરકાર મારા વિશે શું કહી રહી છે. મને તે વાતથી ફર્ક પડે છે કે મારા લોકો મારા માટે શું વિચારી રહ્યાં છે. દીપે બિહારમાં મજૂરો વચ્ચે ખેતરમાં રહી રહ્યો હોવાનો દાવો કરી રહ્યો છે. તેણે કહ્યું આ લોકો મારો સહયોગ કરી રહ્યાં છે અને હું તેમની વચ્ચે છું. જો હું સરકારનો માણસ હોત તો હું કોઇ લગ્ઝરી હોટલમાં મજા લઇ રહ્યો હોત. 

ખેડૂત નેતાઓ વિરુદ્ધ ફરિયાદ 
આ પહેલા દીપ સિદ્ધુનો એક વીડિયો સામે આવ્યો હતો અને તેમાં તેણે કહ્યું હતું કે, તેમના પરિવારને પરેશાન કરવામાં આવી રહ્યો છે. દીપ સિવાય અન્ય ખેડૂત નેતાઓ વિરુદ્ધ કેસ ફાઇલ કરવામાં આવ્યાં છે. 

દીપ સિદ્ધુ ભાજપનો માણસ : રાકેશ ટિકેત 
ભારતીય ખેડીત યુનિયનના પ્રવક્તા રાકેશ ટિકેતે આરોપ લગાવ્યો છે કે દીપ સિદ્ધુ બીજેપીનો માણસ છે. લાલા કિલ્લાવાળા કિસ્સા બાદ દીપની ગુરુદાસપુરના બીજેપી સાંસદ એટલે કે સની દેઓલ સાથેની તસવીર પણ વાયરલ થવા લાગી હતી. બાદમાં સનીએ ટ્વિટ કરીને કહ્યું કે, મારો કે મારા પરિવારનો દીપ સિદ્ધુ સાથે કોઇ જ સંબંધ નથી.