ખેંચતાણ / વિધાનસભા ચૂંટણી પૂરી થતાં જ વડોદરામાં દિનુ પટેલ જૂથને ફટકો, સહકારી માળખાનું રાજકારણ ગરમાયું, જાણો મામલો

• ચૂંટણી પૂર્ણ થતા વડોદરામાં દિનું પટેલ જૂથને ફટકો પડ્યો
• દિનુ પટેલ અપક્ષ ચૂંટણી લડતાં સહકારી માળખામાં ખેંચતાણ
• ભાજપના ચૈતન્યસિંહ ઝાલા જીતતા સહકારી માળખાનું રાજકારણ ગરમાયું

ગુજરાત વિધાનસભાની ચૂંટણી પૂર્ણ થતા વડોદરામાં દિનું પટેલ જૂથને ફટકો પડ્યો છે. ત્યારે દિનુ પટેલ અપક્ષ ચૂંટણી લડતાં સહકારી માળખામાં ખેંચતાણ શરૂ થઈ જવા પામી હતી. ત્યારે દિનુ પટેલને સમર્થન કરનાર વ્યક્તિ સામે અવિશ્વાસની દરખાસ્ત કરવામાં આવતા વડોદરાના રાજકારણમાં ગરમાવો આવી જવા પામ્યો હતો.

અપક્ષ ચૂંટણી લડનાર દિનુ પટેલ જૂથને ફટકો પડ્યો
વડોદરા વિધાનસભામાં અપક્ષ ચૂંટણી લડનાર દિનુ પટેલ જૂથને ફટકો પડ્યો છે. ત્યારે તેઓને સમર્થન કરનાર પાદરા એપીએમસી ચેરમેન પ્રવિણ સિંધાના વિરૂધ્ધમાં અવિશ્વાસની દરખાસ્ત કરવામાં આવી છે. જેમાં એપીએમસીના 13માંથી 12 સભ્યોએ અવિશ્વાસની દરખાસ્ત માટે અરજી કરી હતી. સભ્યો દ્વારા જીલ્લા સહકારી રજીસ્ટ્રારને અવિશ્વાસની દરખાસ્ત માટે અરજી કરી છે. ત્યારે દિનુ પટેલના સમર્થકો અને વિરોધીઓએ ભેગા મળી અવિશ્વાસની દરખાસ્ત કરી છે અને ભાજપના ચૈતન્યસિંહ ઝાલા જીતતા સહકારી માળખાનું રાજકારણ ગરમાયું છે.