મેક્સિકોના એક જંગલમાં ભાગતા નાના-નાના ડાયનોસોર જોવા મળ્યા. તેમનો વીડિયો સામે આવ્યો છે. આ એવી રીતે જ ચાલી રહ્યા છે જેવી રીતે પ્રાચીન સમયમાં ડાયનાસોર ચાલતા હતા. લોકો ચોંકી ઉઠ્યા છે કે આમ કેવી રીતે થઈ શકે?
સોશ્યલ મીડિયામાં આ વાયરલ વીડિયો જોઈ ચોંકી જશો
જંગલમાં દોડતા જોવા મળ્યા નાના-નાના ડાયનાસોર
વીડિયો જોઈ ચોંકી ઉઠ્યા લોકો
ટ્વીટર પર એક વીડિયો ખૂબ જ ઝડપથી વાયરલ થઈ રહ્યો છે. તેમાં જોઈ શકાય છે કે મેક્સિકોના એક જંગલમાં કોઈ નાની નદીની એક તરફથી બીજી તરફ ડાયનાસોર જઈ રહ્યા છે. તે એક ઝૂંડમાં છે અને ઘણા બધા છે. જંગલથી નિકળીને નદીની એક તરફથી બીજી તરફ ભાગતા જોવા મળી રહ્યા છે. આ ડાયનાસોરોમાં અમુક નાના છે તો અમુક મોટા આકારના છે.
વાયરલ થયો વીડિયો
વીડિયોમાં સ્પષ્ટ નથી થઈ રહ્યું કે તેનો રંગ કયો છે. પરંતુ આ ભૂરા રંગ અને કાળા રંગના જોવા મળી રહ્યા છે. તેમાંથી કોઈની લાંબી ડોક છે કોઈની નાની, મદબૂત પીઠ છે અને પાછળના ભાગમાં પૂંછ નથી. એવામાં કંઈક તો ખૂબ જ ઝડપથી ભાગતા જોવા મળી રહ્યું છે. અમુક વૃદ્ધોની જેમ ગ્રુપની દેખરેખ કરી રહ્યા છે. જેમ કે તે ગ્રુપને રસ્તો બતાવી રહ્યા હોય.
કોણ છે આ જીવ?
હકીકતે આ નોળીયા જેવા જીવ છે. જે ઉધા ચાલવામાં કુશળતા ધરાવે છે. તે પણ ખૂબ જ ઝડપથી. તેમનું નામ છે કોએટિસ અથવા કોએટિમુંડિસ (Coatis or Coatimundis). આ દક્ષિણ અમેરિકા, મધ્ય અમેરિકા, મેક્સિકો અને દક્ષિણ-પશ્ચિમ અમેરિકામાં મળી આવે છે. તેમનું નામ બ્રાઝીલની તુપિયન ભાષામાંથી લેવામાં આવ્યું છે. આ જીવ 13થી 27 ઇંચ લાંબા હોય છે.
હકીકતે વાયરલ વીડિયોમાં જોવા મળી રહેલા આ જીવ ડાયનોસોર નહીં પરંતુ કોએટિસ જ છે. જે પોતાની પુછડીને ઉંચી કરીને ખૂબ જ ઝડપથી ઉંધા દોડી રહ્યા છે. જે જોવામાં બિલકુલ નાના ડાયનોસોર જેવા લાગી રહ્યા છે. સોશિયલ મીડિયા પર આ વીડિયો જોઈને લોકો ચોંકી ઉઠ્યા છે.