અફધાનિસ્તાન ટેસ્ટ માટે કાર્તિકની ટીમમાં એન્ટ્રી સાહા ઇજાના કારણે બહાર

અફધાનિસ્તાન વિરુદ્ઘ 14 જૂનથી બેંગ્લોરમાં રમાનાર એકમાત્ર ટેસ્ટ મેચ માટે રિદ્ઘિમાન સાહાના સ્થાન પર દિનેશ કાર્તિકને વિકેટકીપર તરીકે સિલેક્ટ કરવામાં આવ્યો છે.

રિદ્ઘિમાન સાહા ઇજાગ્રસ્ત થવાને કારણે આ ઐતિહાસિક ટેસ્ટ મેચમાં નહી રમી શકે. BCCIના સચિવ અમિતાભ ચૌધરીએ શનિવારના એક નિવેદન આપીને આ અંગેની પુષ્ટિ કરી દીધી છે.

આ ટેસ્ટ મેચમાં અફધાનિસ્તાન ડેબ્યૂ કરશે.  ઉલ્લેખનીય છે કે રિદ્ધિમાન સાહાને સનરાઇઝ હૈદરાબાદ તરફથી 25મેના રોજ કલકત્તા નાઇટરાઇટડર્સ સામે રમાયેલી બીજી ક્વૉલિફાયર મેચ દરમિયાન ઇજા થઇ હતી.

રિદ્ઘિમાન સાહાએ અફધાનિસ્તાનની સાથે રમાનાર ટેસ્ટ મેચમાં ટીમમાં શામેલ કરવામાં આવ્યો હતો. BCCIએ ટ્વિટ કરીને જણાવ્યું કે સાહા BCCIની મેડિકલ ટીમની નિરિક્ષણ હેઠળ ઇજામાં રિકવરી મેળવી રહ્યો હતો પરંતુ મેનેજમેન્ટે તેને આરામ આપવા માટે આ ટેસ્ટમાંથી બહાર રાખવાનો નિર્ણય લીધો છે. તેને ફિટ થવામાં 5થી 6 અઠવાડિયાનો સમય લાગશે. 
 

UPDATE: Wriddhiman Saha ruled out of the @paytm Afghanistan Test.
The All-India Senior Selection Committee has named @DineshKarthik as the replacement. #INDvAFG #TeamIndia

Details - https://t.co/drNqHvsFu0 pic.twitter.com/hqquMTpqDP

— BCCI (@BCCI) June 2 2018

એમ.એસ.કે પ્રસાદની આગેવાની હેઠળની સિલેક્શન ટીમે અફઘનિસ્તાન સામે રમાનાર ટેસ્ટ મેચ માટે કાર્તિકને સાહાના સ્થાને પસંદ કર્યો છે કારણ કે હાલ કાર્તિક શાનદાર ફોર્મમાં છે. ફર્સ્ટ ક્લાસ મેચમાં તેનો રેકોર્ડ શાનદાર છે તેણે 27 સેન્ચુરી સહિત 9000થી વધારે રન કર્યા છે. ભારત માટે 23 ટેસ્ટ મેચમાં એક સેન્ચુરી અને 7 હાફ સેન્ચુરીની સાથે 1000 રન કર્યા છે.