ક્રિકેટ / 37 વર્ષની ઉંમરે આ ખેલાડી કરશે ટીમ ઇન્ડિયામાં વાપસી, એક સમયે ધોનીના કારણે કરિયર ખતમ થવા પર આવી ગયેલું

• દિનેશ કાર્તિકને સાઉથ આફ્રિકા સામે ટી20 સીરીઝ માટે સિલેક્ટ કરવામાં આવ્યા 
• IPL 2022માં દિનેશ કાર્તિકે કરી બતાવી કમાલ 
• ટ્વીટર પર શેર કરી તસવીર 

દિનેશ કાર્તિકને સાઉથ આફ્રિકા સામે ટી20 સીરીઝ માટે સિલેક્ટ કરવામાં આવ્યા 

સાઉથ આફ્રિકા સામે પાંચ મેચની ટી20 સીરીઝ માટે 18 સદસ્યોની ભારતીય ટીમનું એલાન રવિવારે કરવામાં આવ્યું. આ ટીમમાં IPL 2022માં કમાલ કરી બતાવનાર સિનીયર ભારતીય વિકેટકીપર-બેટ્સમેન દિનેશ કાર્તિકને પણ સામેલ કરવામાં આવ્યા. આઈપીએલની 15મી સીઝનમાં આરસીબી માટે દિનેશ કાર્તિકે ફિનીશરની ભૂમિકા શાનદાર રીતે નિભાવી અને પોતાની ઇનિંગથી ઘણી વાર ટીમની જીતનાં ભાગીદાર પણ બન્યા. કાર્તિકની રમતને જોઇને તેમને આંઠ આફ્રિકા સામે ટી20 સીરીઝ માટે ટીમમાં સામેલ કરવામાં આવ્યા. 

લગભગ 37ની ઉંમરમાં કાર્તિકે કરી ટી20 ટીમમાં વાપસી 
રવિવારે ભારતીય ટી20 ટીમનું એલાન થયું, તે દિવસે દિનેશ કાર્તિકની ઉંમર 36 વર્ષ 355 દિવસ હતી, એટલે કે તેઓ લગભગ 37 વર્ષના છે. દિનેશ કાર્તિકે ભારત માટે પોતાની છેલ્લી ટી20 મેચ 27 ફેબ્રુઆરી, 2019નાં રોજ બેંગ્લોરમાં ઓસ્ટ્રેલિયા સામે રમી હતી. ત્યાર બાદ હવે એટલે કે 3 વર્ષ બાદ તેમણે એક વાર ફરી ભારતીય ટીમમાં વાપસી કરી છે. 

દિનેશનો ઈમોશનલ મેસેજ 

If you believe yourself, everything will fall into place! ✨
Thank you for all the support and belief...the hard work continues... pic.twitter.com/YlnaH9YHW1

— DK (@DineshKarthik) May 22, 2022

દિનેશ કાર્તિકે પોતાના ઓફિશિયલ ટ્વીટર અકાઉન્ટ પર ટીમ ઇન્ડિયાની જર્સી પહેરીને ફોટો શેર કર્યો છે. કાર્તિકે નેશનલ સિલેક્ટર્સ અને ભારતીય ટીમ મેનેજમેન્ટને પોતાની વધતી ઉંમર છતાં પણ પ્રાથમિકતા આપવા માટે ધન્યવાદ કહ્યું છે. તેમણે ટ્વીટર પર લખ્યું છે કે જો તમે ખુદ પર વિશ્વાસ કરો છો, તો બધું જ ઠીક થઇ જશે. તમારા સૌના સમર્થન અને વિશ્વાસ માટે ધન્યવાદ. મહેનત ચાલે જ છે.