લોકડાઉન દરમિયાન બોલવૂડ સેલેબ્સ કોઈને કોઈ રીતે ફેન્સ સાથે કનેક્ટેડ રહી રહ્યાં છે. ત્યારે સોશિયલ મીડિયા પર ફેન્સના જૂના ફોટોઝ અને કેટલાક કિસ્સાઓ પણ વાયરલ થઈ રહ્યાં છે. ત્યારે અક્ષય કુમારનો એવો જ એ કિસ્સો સોશિયલ મીડિયા પર ખૂબ વાયરલ થઈ રહ્યો છે. અક્ષય કુમાર અને ટ્વિંકલ ખન્નાના લગ્નને 19 વર્ષ થઈ ગયા છે પરંતુ શું તમે જાણો છો કે, લગ્ન કરવા માટે ટ્વિંકલ ખન્નાની મોમ ડિમ્પલ કાપડિયાએ અક્ષય સામે એક શરત મૂકી હતી. ચાલો જણાવીએ.
અક્ષય કુમારને ગે સમજતી હતી સાસુ ડિમ્પલ કાપડિયા
ટ્વિંકલ અને અક્ષયના લગ્ન માટે મૂકી હતી આ શરત
દીકરી ટ્વિંકલને લગ્ન પહેલાં આ બધું ચેક કરવા કહ્યું હતું
અક્ષય અને ટ્વિંકલ બોલિવૂડના બેસ્ટ કપલ્સમાંથી એક છે. બંને વચ્ચે જબરદસ્ત બોન્ડિંગ છે. ટ્વિંકલ અને અક્ષયના લગ્નને લઈને ઘણાં કિસ્સા છે. જેમાં અક્કીની સાસુ એટલે ડિમ્પલ કાપડિયા તેને ગે સમજતી હતી. જેના કારણે તેમણે લગ્ન પહેલાં અક્કી સામે શરત મૂકી હતી. 2016માં અક્ષય અને ટ્વિંકલ કરણ જોહરના શોમાં પહોંચ્યા હતા. જ્યાં તેમણે તેમના લગ્ન અને પર્સનલ લાઈફથી જોડાયેલી કેટલીક વાતો જણાવી હતી.
શોમાં ટ્વિંકલે તેના લગ્નને લઈને કેટલાક ખુલાસા કર્યા હતા અને કહ્યું હતું કે ટ્વિંકલની મોમ ડિમ્પલ તેને ગે સમજતી હતી અને તેમને આ શક એટલે થયો હતો કારણ કે તેમની એક જર્નાલિસ્ટ ફ્રેન્ડે કહ્યું હતું કે, અક્ષય ગે છે. ત્યારબાદ લગ્નની વાત શરૂ થઈ અને તેમને અક્ષય વિશે તપાસ શરૂ કરી.
અક્ષય અને ટ્વિંકલની બેવાર સગાઈ થઈ પરંતુ તૂટી ગઈ. જ્યારે અક્ષયે ટ્વિંકલને લગ્ન માટે પ્રપોઝ કરી હતી ત્યારે ટ્વિંકલની ફિલ્મ મેલા રિલીઝ થવાની હતી અને ટ્વિંકલને વિશ્વાસ હતો કે આ ફિલ્મ ચાલશે અને તેણે કહ્યું હતું કે ફિલ્મ ફ્લોપ થઈ તો તે લગ્ન કરી લેશે. પછી મેલા ફ્લોપ થઈ ગઈ અને તેણે અક્ષયને લગ્ન માટે હાં કહી દીધું, પરંતુ એ પછી પણ તે અક્ષય સાથે લગ્ન ન કરી શકી.
ત્યારબાદ ટ્વિંકલની મોમ ડિમ્પલ કાપડિયાએ અક્ષયે લગ્ન માટે ના કહી દીધી હતી. પછી અક્ષય સામે શરત મૂકી કે બંનેએ એક વર્ષ સુધી સાથે રહેવું પડશે. ત્યારબાદ ટ્વિંકલ અને અક્ષય એક વર્ષ સુધી સાથે રહે અને પછી લગ્ન કરે. એક વર્ષમાં ટ્વિંકલે અક્ષયના પરિવારમાં કોને કઈ બીમારી છે, તેના પરિવારમાં લોકો વહેલાં ટાલિયા તો નથી થતાં, કોની કઈ બીમારીથી મોત થઈ હતી, જેવી તમામ વાતોનું રેકોર્ડ ચેક કર્યું હતું અને પછી એક વર્ષ બાદ 2001માં અક્ષય સાથે લગ્ન કર્યા હતા.