IPLIN
 

બોલિવૂડ / ખેડૂત આંદોલન : દિલજીતે કંગનાને કરી આ જોબ ઑફર, સામે એક્ટ્રેસ ભડકી અને જુઓ શું કહ્યું

Team VTV 12:13 PM, 05 Jan 21
Follow us
Diljit Dosanjh hits back at Kangana Ranaut offers her job as his PR person

સિંગર-એક્ટર દિલજીત દોસાંજે ટ્વિટર પર કંગના રાનૌતની નવી કમેન્ટ પર પ્રતિક્રિયા આપતા કહ્યું કે તે કંગના પોતાની જાતથી એટલી પ્રભાવિત છે કે તેને જોતા તે એક્ટ્રેસને પોતાની પીઆર પર્સન તરીકે હાયર કરવા માંગે છે. કંગનાએ સોમવારે દિલજીત પર ખેડૂતોના વિરોધ પ્રદર્શનમાં ગયા બાદ હોલિડે પર જવાનો આરોપ લગાવ્યો હતો.

  • દિલજીત દોસાંજ અને કંગના ફરી સામસામે
  • દિલજીતે કંગનાને કરી આ જોબ ઑફર
  • એક્ટ્રેસ ભડકી અને દિલજીતને લીધો આડેહાથ

તેના જવાબમાં દિલજીતે એક વૃદ્ધ મહિલાના વીડિયો સાથે કંગના પર નિશાન સાધ્યું છે. તેણે એક ટ્વિટમાં પંજાબીમાં લખ્યું છે કે પંજાબ સાથે તેનો વિશ્વાસ, નિષ્ઠા અને પ્રેમ હંમેશાથી રહ્યો હતો, છે અને રહેશે. કંગના તમે તમારા વિશે ગેરસમજ ના રાખો, એવું ન વિચારજો કે તમે પંજાબીઓ સાથે જે કર્યું છે તેને તેઓ ભૂલી જશે. અમારી પાસે ટૂંક સમયમાં તમારા માટે જવાબ હશે.

કંગનાએ આનો જવાબ હિન્દીમાં એક ટ્વિટ દ્વારા આપ્યો અને લખ્યું, સમય કહેશે મિત્ર કે કોણ ખેડૂતોના હક માટે લડ્યા અને કોણ તેમની વિરુદ્ધ... સો જૂઠ પણ એક સત્ય છુપાવી શકતા નથી અને જેને તમે સાચાં દિલથી પ્રેમ કર્યો હોય તે તમને ક્યારેય નફરત કરી શકે નહીં. તમને શું લાગે છે તારા કહેવાથી પંજાબ મારી વિરૂદ્ધ થઈ જશે? હાહા...આટલા મોટા-મોટા સપના ના જોઈશ, તારું દિલ તૂટી જશે. 

દિલજીતે પંજાબીમાં કંગનાને જવાબ આપતા લખ્યું- મને સમજાતું નથી કે ખેડૂતોની સાથે તમારી શું સમસ્યા છે. સમગ્ર પંજાબ ખેડૂતની સાથે છે, કોઈ તમારા વિશે વાત પણ નથી કરી રહ્યું. તેણે હિન્દુસ્તાન ટાઈમ્સની એક રિપોર્ટ શેર કરી છે અને જ્યારે કંગનાએ દિલજીત પર નિશાન સાધ્યું હતું અને કહ્યું હતું કે કંગનાએ મારી પીઆર બની જવું જોઈએ કારણ કે તે મને તેના મગજમાંથી કાઢી નથી શકી રહી. 

કંગનાએ એક ટ્વિટમાં આંદોલનકારી ખેડૂતો સાથે ઉભા રહેવાના દિલજીતનાં પ્રયત્નોની કટાક્ષરૂપે વખાણ કર્યા હતા. દિલજીતની ટ્વિટ પર પ્રતિક્રિયા આપતા કંગનાએ લખ્યું કે, વાહ ભાઈ !! દેશમાં આગ લગાવીને ખેડૂતોને રસ્તાઓ પર લાવીને સ્થાનિક ક્રાંતિકારીઓ વિદેશમાં ઠંડીનો આનંદ માણી રહ્યા છે. વાહ! આને કહેવાય સ્થાનિક ક્રાંતિકારી...."

તમને જણાવી દઈએ કે, કંગના અને દિલજીતના ટ્વિટર વૉરની શરૂઆત ગયા વર્ષે થઈ હતી. જેમાં દિલજીતે કંગનાએ 27 નવેમ્બરે કરેલા એક ટ્વિટનો ઉલ્લેખ કર્યો હતો, જેમાં તેણે શાહીન બાગના વિરોધ પ્રદર્શનનો ચહેરો રહી ચૂકેલી બિલકિસ દાદી તરીકે, ખેડૂતોના વિરોધ પ્રદર્શનમાં એક વૃદ્ધ મહિલાની ખોટી ઓળખ આપી હતી.

Diljit Dosanjh hits back Kangana Ranaut Offers Job
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ