બોલિવૂડ / માત્ર 36 રૂપિયા કમાનાર દિલીપ કુમારે આ રીતે બનાવી 600 કરોડની પ્રોપર્ટી, એક ફિલ્મ માટે લેતા હતા આટલી ફી

• હિન્દી સિનેમાના મહાન અભિનેતા દિલીપકુમારે દુનિયાને અલવિદા કહી દીધું
• દિલીપ કુમારે 1944માં જ્વાર ભાટા ફિલ્મથી બોલિવૂડમાં ડેબ્યૂ કર્યું હતું
• 1950ની આસપાસ એક ફિલ્મ માટે તેઓ એક લાખ રૂપિયા લેતા હતા

ટ્રેજડી કિંગ તરીકે જાણીતા હિન્દી સિનેમાના મહાન અભિનેતા દિલીપકુમાર હવે આ દુનિયામાં નથી. તેમણે આજે સવારે મુંબઇની હિન્દુજા હોસ્પિટલમાં અંતિમ શ્વાસ લીધા. દિલીપકુમારનો જન્મ 11 ડિસેમ્બર 1922ના રોજ પાકિસ્તાનના પેશાવરમાં એક મુસ્લિમ પરિવારમાં થયો હતો અને તેમના માતા-પિતાએ તેમનું નામ યુસુફ ખાન રાખ્યું હતું પરંતુ દિગ્ગજ અભિનેત્રી દેવિકા રાનીએ તેમનું નામ બદલીને દિલીપકુમાર રાખ્યું હતું.

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

12 ભાઈ-બહેનમાંથી એક દિલીપનું બાળપણ ખૂબ જ તંગીમાં પસાર થયું હતું. ભાગલા સમયે તેમનો પરિવાર પાકિસ્તાનથી ભારત આવ્યો હતો અને મુંબઈ સ્થાયી થયો હતો. દિલીપ કુમારે તે દિવસોમાં પૂણેની આર્મી ક્લબમાં એક સેન્ડવિચ સ્ટોલ પર નોકરી શરૂ કરી હતી. દિલીપનો પહેલો પગાર 36 રૂપિયા હતો.

દિલીપકુમારે વર્ષ 1944માં ફિલ્મ જ્વાર ભાટાથી બોલિવૂડમાં ડેબ્યૂ કર્યું હતું. એ પછી તે અંદાજ, બાબુલ, દીદાર, આન, દાગ, દેવદાસ, આઝાદ, નયા દૌર, તરાના, મધુમતી, કોહિનૂર, મુગલ-એ-આઝમ, ગંગા જમુના, રામ ઔર શ્યામ, ક્રાંતિ, શક્તિ, મશાલ અને સૌદાગર જેવી ફિલ્મોમાં દેખાયા. દિલીપ તેમના કામ પ્રત્યે ખૂબ જ ગંભીર હતા. આ જ કારણ હતું કે તેઓ માત્ર 25 વર્ષની ઉંમરે દેશના નંબર વન અભિનેતા બની ગયા હતા.

મહેનતથી હાંસલ કર્યું મુકામ

દિલીપ તેમના કામ પ્રત્યે ખૂબ જ ગંભીર રહેતા હતા. આ જ કારણ હતું કે તે માત્ર 25 વર્ષની ઉંમરે દેશના નંબર વન અભિનેતા બન્યા. તે ખૂબ નમ્ર સ્વભાવના હતા. દિલીપ કુમારે તેમના જીવનમાં 604 કરોડ 63 લાખથી વધુની સંપત્તિ બનાવી હતી. પાકિસ્તાનની ખૈબર પખ્તુનખ્વા સરકારે દિલીપકુમારના પિતૃ મકાનની કિંમત 80,56,000 રૂપિયા નક્કી કરી છે.

સૌથી વધુ ફી લેનાર એક્ટર

દિલીપકુમારે અભિનયની દુનિયાથી રાજકારણ સુધીની સફર કરી હતી. તે સાંસદ પણ બન્યા હતા. તમને જણાવી દઈએ કે દિલીપકુમાર તેમના સમયના સૌથી વધુ ફી લેનાર અભિનેતા હતા 1950ના દાયકામાં તેઓ એક ફિલ્મ માટે એક લાખ રૂપિયા લેતા હતા, જે તે યુગમાં ખૂબ જ વધારે હતી.