જમાના સાથે બધુ બદલાય છે તેવું તમે સાંભળ્યુ હશે, આજે કલાકાર માત્ર ટીવી અને સિનેમાં સુધી સિમિત નથી. સોશ્યલ મિડીયાના જમાનામાં દરેક કલાકાર અલગ અલગ માધ્યમથી તેમના ફેન્સ સુધી પહોંચી શકે છે. હાલમાં તારક મહેતા કા ઉલ્ટા ચશ્માના જેઠાલાલ એટલે કે દિલીપ જોષીએ ઇન્સ્ટાગ્રામ પર એન્ટ્રી મારી છે અને એક જ દિવસમાં તેમના 2 લાખ ફોલોઅર્સ થઇ ગયા છે.
દિલીપ જોષી આવ્યા ઇન્સ્ટાગ્રામ પર
ફેક એકાઉન્ટથી ત્રાસ્યા જેઠાલાલ
વીડિયો દ્વારા કરી અપીલ
maakasamdilipjoshi નામથી તેમણે ઇન્સ્ટાગ્રામ પર પોતાની નવી ઇનિંગની શરૂઆત કરી છે. દિલીપ જોષી જે ઝડપથી આગળ વધ્યા છે તેટલા જ ઝડપથી તેમના ફેક એકાઉન્ટ પણ બનવા લાગ્યા છે. તેમણે ત્રાસીને વાત વીડિયો મુક્યો કે પ્લિઝ ફેક એકાઉન્ટ ન બનાવશો.
A post shared by Dilip Joshi (@maakasamdilipjoshi) on
ફેક એકાઉન્ટથી પરેશાન
ઇન્સ્ટાગ્રામ પર પહેલા જ દિવસે તેમને મુશ્કેલીનો સામનો કરવો પડ્યો છે. તેમણે તેમના વીડિયોમાં કહ્યું કે, આટલો બધો પ્રેમ આપવા માટે ધન્યવાદ પરંતુ ઇન્સ્ટાગ્રામ પર જે લોકો ફેક એકાઉન્ટ બનાવી રહ્યાં છે તે ન બનાવશો. જ્યાં સારાઇ હોય ત્યા બુરાઇ પણ હોય છે, દિલીપ જોષીએ કહ્યું કે હું અહીંયા નવો નવો છુ કંઇ ભૂલ થઇ જાય તો માફ કરી દેશો.
તારક મહેતા કા ઉલ્ટા ચશ્માનુ શૂટિંગ શરૂ થઇ ગયુ છે અને પ્રોપર સોશ્યલ ડિસ્ટન્સિગ સાથે શૂટ શરૂ થઇ ગયુ છે. શૉમાં દયાભાભીની વાપસીને લઇને પણ કેટલાક પ્રશ્નો ઉભા થઇ ગયા છે, તેમને રિપ્લેસ કરવા માટેની વાતો પણ ઘણી ફેલાઇ રહી છે અને ક્યારેક એવી ન્યૂઝ પણ સામે આવી કે દયાભાભી શૉમાં પરત ફરશે. હવે દયાભાભી ક્યારે શૉ પર પાછા ફરે છે તે જોવું રહ્યું.