પોપ્યુલર ટીવી શો તારક મહેતા કા ઉલ્ટા ચશ્મા સાથે દર્શકો આજે પણ જોડાયેલા છે. જેટલા શરૂઆતમાં લોકો કેરેક્ટરના દિવાના હતા. શોમાં ઘણા બધા બદલાવ આવ્યા છે પરંતુ તેમ છતાં જેઠાલાલના દિવાના તો લોકો આજે પણ છે. હાલમાં જ દિલીપ જોશીએ એક તસવીર શૅર કરી છે અને સાથે ફની કેપ્શન પણ લખ્યું છે.
જેઠાલાલે કરી બંને ટપૂ સાથે તસવીર શૅર
તારક મહેતા...માં બદલાઇ ગયો છે ટપૂ
દિલીપ જોશી કરતા રહે છે એન્ટરટેઇન
દિલીપ જોશીએ જુલાઇ, 2020માં ઇન્સ્ટાગ્રામ પર પોતાનું અકાઉન્ટ બનાવ્યું હતું. ત્યારથી તે પોતાની લાઇફ સાથે જોડાયેલી તસવીર શૅર કરતા રહેતા હોય છે અને લોકોને એન્ટરટેઇન કરતા હોય છે.
આ તસવીર શૅર કરી
હાલમાં શૅર કરેલી આ તસવીરમાં નાનપણનો ટપૂ અને અત્યારનો ટપૂ દેખાઇ રહ્યો છે. તે બાપ-દીકરાની પરિસ્થિતિ દર્શાવે છે. જ્યારે દિકરો ઉંમરમાં નાનો હતો અને કદમાં પણ નાનો હતો હવે ટપૂ કદમાં જેઠાલાલથી પણ મોટો થઇ ગયો છે. સાથે તેમણે લખ્યું છે કે, જેવું તમે કરશો તેવું જ વળીને તમારી પાસે આવશે.
પાત્રો બદલાઇ ગયા છે
તારક મહેતા...ના મોટાભાગના પાત્રો બદલાઇ ગયા છે. પહેલા ટપૂનુ પાત્ર ભવ્ય ગાંધી પ્લે કરતો હતો પરંતુ હવે ટપૂનું પાત્ર રાજ અનડકટ ભજવે છે. આ શો ભારતનો સૌથી લાંબા સમય સુધી ચાલનારો શો બની ગયો છે. તારક મહેતા...નો પહેલો એપિસોડ 28 જુલાઇ 2008ના રોજ પ્રસારિત થયો હતો.
શૅર કર્યો હતો વીડિયો
શોમાં સૌથી વધુ ફેમસ અને લોકપ્રિય પાત્ર છે જેઠાલાલ. જેઠાલાલનું પાત્ર દિલીપ જોષી ભજવી રહ્યાં છે. દિલીપે હાલમાં જ ઇન્સ્ટાગ્રામ જોઇન કર્યુ છે અને તે હવે ફેન્સને એન્ટરટેઇન કરવા વીડિયો પોસ્ટ કરતા રહેતા હોય છે. હાલમાં જ દીલિપે એક વીડિયો શૅર કર્યો છે તેને જોઇને લોકો ખુબ ખુશ થઇ ગયા છે અને શૅર કરી રહ્યાં છે.
દિલીપ જોશી ઉર્ફે જેઠાલાલ દ્વારા શૅર કરવામાં આવેલા આ વીડિયોમાં જોઇ શકાય છે કે તે રૂમમાં જતાની સાથે જ સેનિટાઇઝર યુઝ કરવા જાય છે અને તે ડસ્ટબિનનું ઢાંકણુ ખોલી દે છે પછી તેને ભાન થાય છે કે આ તો ડસ્ટબિન છે. આ વીડિયો ફેન્સને ખુબ જ પસંદ આવી રહ્યો છે.
દિલીપ જોશીએ કેપ્શનમાં લખ્યું કે, સાઇડ ઇફેક્ટ ઓફ ન્યુ નોર્મલ. મહત્વનું છે કે દિલીપ જોશીએ ઘણા ગુજરાતી નાટકમાં કામ કર્યુ છે. તે શુભ મંગલ સાવધાનમાં પોતાના અભિનય માટે જાણીતા છે. હમ આપકે હૈ કોન જેવી ફિલ્મોમાં પણ દિલીપે કામ કર્યુ છે.