સુશાંત સિંહ રાજપૂતની છેલ્લી ફિલ્મ દિલ બેચારાનું ટાઇટલ ટ્રેક રિલીઝ થઇ ગયું છે. જે એક ડાન્સ નંબર છે, જેમાં સુશાંત સિંહ રાજપૂતના ડેન્સ મૂવ્ઝ જોવા મળશે. દુનિયાને તેમની યાદમાં મદહોશ કરીને હંમેશા માટે જતા રહેલા સુશાંતના જીવનનું આ છેલ્લુ સોન્ગ છે જે તેમણે શૂટ કર્યું હતું. ગીતમાં તેમનો હસતો ભોળો ચહેરો હવે હકીકતમાં ક્યારેય જોવા નહી મળે.
રહેમાનના અવાજમાં દિલ બેચારા
સુશાંતનું છેલ્લુ સોન્ગ રિલીઝ
સંજના સાંઘીનુ પહેલુ સોન્ગ રિલીઝ
દિલ બેચારાના ટાઇટલ ટ્રેકને લેજન્ડરી કંપોઝર એ.આર.રહેમાને કંપોઝ કર્યું છે અને ગાયુ પણ છે. ગીતમાં સંજના સાંઘીની ઝલક પણ દેખાય છે. આ ગીતના લિરીક્સ અમિતાભ ભટ્ટાચાર્યએ લખ્યા છે અને ગીતને ફરાહ ખાને કોરિયોગ્રાફ કર્યું છે. સુશાંત એક ખૂબ સારા ડાન્સર હતા અને આ ગીતમાં તેમના ડાન્સમાં અલગ પ્રકારની એનર્જી જોવા મળે છે. સુશાંતે એક જ શોટમાં આખુ સોન્ગ શૂટ કર્યું હતું.
આ ગીતને પબ્લિકનો ખૂબ સારો રિસપોન્સ મળી રહ્યો છે. રહેમાનના અવાજ પર થિરકતા સુશાંતને જોવાનુ મિસ કરશો તો તે એક ભૂલ હોઇ શકે છે. ફરાહ ખાને જણાવ્યું કે આ ગીત એક જ શોટમાં શૂટ થયુ હતુ અને આ ગીત માટે સુશાંતે કોઇ ફી પણ નહોતી લીધી.
સુશાંત સાથે કામ કરવા પર બોલી ફરાહ ખાન
સુશાંત અને ફરાહ આમ તો ઘણા સમયથી મિત્રો હતો પરંતુ સાથે કામ કરવાનો મોકો તેમને ક્યારેય મળ્યો નહોતો એટલે જ ફરાહે કહ્યું કે, સુશાંતની ટેલેન્ટ વિશે તેમને ખબર હતી એટલા માટે જ તેમણે એક જ શોટમાં આખુ ગીત શૂટ કરી નાંખ્યું હતું. બાદમાં સુશાંત ફરાહના ઘરેથી નવી નવી વાનગીઓ ખાવાની ફરમાઇશ કરતા હતા અને ફરાહ પણ તેમના માટે હંમેશા ફરમાઇશ કરેલી વાનગી લઇને આવતા હતા.
OTT પ્લેટફોર્મ પર રિલીઝ થશે દિલ બેચારા
સુશાંતની છેલ્લી ફિલ્મ દિલ બોચારાને 70mm પરદા પર રિલીઝ કરવા માટેની ઘણી માંગ થઇ હતી પરંતુ કોરોના મહામારીના કારણે તે શક્ય નથી, માટે ડિઝની પ્લસ હોટસ્ટાર પર 24 જુલાઇના રોજ દિલ બેચારાને રિલીઝ કરવામાં આવશે.