રાજકારણ / આ રાજ્યના CMએ કર્યુ એવું કે તેમની વિરુદ્ધ નોંધાશે FIR,જાણો શું છે સમગ્ર મામલો

• મધ્ય પ્રદેશમાં રાજકારણ ગરમાયુ,
• હવે દિગ્વિજય સિંહ શિવરાજસિંહ વિરુદ્ધ એફઆઈઆર નોંધાવશે
• આ પહેલા શિવરાજ સિંહે દિગ્વિજય સામે ફરિયાદ નોંધાવી છે

દિગ્વિજયસિંહે ટ્વિટર પર દાવો કર્યો હતો કે શિવરાજસિંહ ચૌહાણે રાહુલ ગાંધી વિશે 2019 માં એક નકલી વીડિયો શેર કર્યો હતો. તેઓ મુખ્યમંત્રી તરીકે આ કેવી રીતે કરી શકે છે. હવે દિગ્વિજયનું કહેવું છે કે જે પોલીસ સ્ટેશનમાં મારી વિરુદ્ધ એફઆઈઆર નોંધાઈ હતી. હું પણ તે જ પોલીસ સ્ટેશન જઈશ.

દિગ્વિજય સિંહે શિવરાજ સિંહની જે ટ્વીટ શેર કરી હતી  જેમાં તેમણે રાહુલ ગાંધીનો એક વીડિયો ટ્વીટ કર્યો છે. એવો દાવો કરવામાં આવ્યો હતો કે રાહુલ ગાંધી તેમના ભાષણમાં મધ્યપ્રદેશના મુખ્યમંત્રીનું નામ ભૂલી ગયા છે. પરંતુ આ વીડિયોને એડિટ કરવામાં આવ્યો હતો. હવે દિગ્વિજય આ વીડિયો સાથે શિવરાજ વિરુદ્ધ એફઆઈઆર કરવાની વાત કરી રહ્યા છે.

ઉલ્લેખનીય છે કે ભૂતકાળમાં દિગ્વિજયસિંહે શિવરાજસિંહ ચૌહાણનો એક વીડિયો શેર કર્યો હતો. આ વીડિયો નકલી હોવાનો આક્ષેપ કરવામાં આવ્યો છે. ભોપાલ ક્રાઈમ બ્રાંચે આ મામલે દિગ્વિજયસિંહ વિરુદ્ધ કેસ નોંધ્યો હતો. આ અંગે ભાજપ દ્વારા ફરિયાદ કરવામાં આવી હતી.

આ કેસમાં દિગ્વિજયસિંહ વિરુદ્ધ કલમ 465, 501, 500 હેઠળ કેસ નોંધવામાં આવ્યો હતો. કોંગ્રેસના નેતા પર માનહાનિનો મામલો લાદવામાં આવ્યો છે. ઉલ્લેખનીય છે કે કોંગ્રેસના નેતા દિગ્વિજય સિંહ સોશિયલ મીડિયા પર સતત સક્રિય રહે છે અને શિવરાજ સરકાર પર નિશાન સાધેલી અવસ્થામાં હોય છે.