નોઈડામાં માથું શરમથી ઝૂકી જાય તેવી એક ડિજિટલ રેપની ઘટના પ્રકાશમાં આવતા ભારે હોબાળો મચ્યો છે.
ભારતમાં વધવા લાગી ડિજિટલ રેપની ઘટના
હવે નોઈડામાં બની ડિજિટલ રેપની ઘટના
55 વર્ષીય શખ્સે 3 વર્ષની બાળકી સાથે કર્યો ડિજિટલ રેપ
પગની આંગળી અને અંગૂઠા વડે બાળકીના નાજૂક અંગોનો કર્યો સ્પર્શ
દિલ્હીને અડીને આવેલા યુપીના ગ્રેટર નોઈડાથી એક શરમજનક કિસ્સો સામે આવ્યો છે. ગ્રેટર નોઈડામાં રહેતા આવકવેરા વિભાગના અધિકારીની 3 વર્ષની નિર્દોષ દીકરી મૌર્ય ફાઉન્ડેશન નામની પ્લે સ્કૂલમાં અભ્યાસ કરે છે. પીડિતાએ ફરિયાદમાં જણાવ્યું છે કે પ્લે સ્કૂલમાં તેની દીકરી પર સ્કૂલના જ એક વ્યક્તિએ ડિજિટલી બળાત્કાર ગુજાર્યો હતો. આ ઘટના સ્કૂલમાં લાગેલા સીસીટીવીમાં પણ કેદ થઈ ગઈ છે.
પિતાએ પોલીસને જણાવ્યું હતું કે તેમની પુત્રી પ્લે સ્કૂલમાં ભણવા ગઈ હતી. જ્યાં પ્લે સ્કૂલમાં કોઇએ બાળક સાથે ફ્લર્ટ કરીને ખોટું કામ કર્યું છે. બાળકે ઘરે આવીને જણાવ્યું કે તેના પ્રાઈવેટ પાર્ટમાં ખૂબ જ દુખાવો થઈ રહ્યો છે. બાળકીની વાત સાંભળીને માતા-પિતાના પગ નીચેથી જમીન સરકી ગઈ હતી. તેઓએ તરત જ મદદ માટે પોલીસનો સંપર્ક કર્યો. પીડિતાના પિતાની ફરિયાદ પરથી બિસરખ પોલીસે ગુનો નોંધી આરોપીઓને ઝડપી લેવા બે ટીમો બનાવી છે. પોલીસ અધિકારીઓએ જણાવ્યું હતું કે આ કેસની તપાસ કરવામાં આવી રહી છે અને ટૂંક સમયમાં આરોપીની ધરપકડ કરવામાં આવશે. પોલીસ સીસીટીવીના આધારે આ કેસની તપાસ કરી રહી છે.
આરોપી સામે પોસ્કો દાખલ કરાયો
સૌથી કડક કાયદા એવા પોસ્કો હેઠળ આરોપી સામે કેસ દાખલ કરાયો છે અને આ કાયદા હેઠળ આરોપીને જામીન મળી શકતા નથી અને તેને કડકમાં કડડ સજા થાય છે.
ડિજિટલ બળાત્કાર શું છે
ડિજિટલ રેપમાં આરોપી પોતાની આંગળી, અંગૂઠા, અંગૂઠાનો ઉપયોગ કરીને પીડિતાના નાજુક અંગોને સ્પર્શે છે અને આ રીતે તેનું જાતિય શોષણ કરે છે. વિદેશની જેમ ભારતમાં પણ આ માટે કાયદો છે. અગાઉ પણ યુપીમાં આવા જ ગુનાની ઘટનાઓ બની હતી.