દેશના કોઇપણ ભાગમાં ઉપદ્રવ, હિંસક દેખાવો જેવી સ્થિતિ બને છે તો સરકાર સૌથી પહેલા અસ્થાયી રીતે ઇન્ટરનેટ બંધ કરે છે. ઇન્ટરનેટ પર પ્રતિબંધને કારણે દેશની ઇકોનોમીને મોટુ નુકશાન થઇ રહ્યું છે. આ જાણકારી સેલ્યુલર ઓપરેટર્સ અસોસિએશન ઑફ ઇન્ડિયા (COAI) ના ડાયરેક્ટર જનરલ રાજન મેથ્યૂઝે આપી છે.
ઇન્ટરનેટ પર પ્રતિબંધને કારણે દેશની ઇકોનોમીને મોટુ નુકશાન થયું
વર્ષ 2012થી 2017ની વચ્ચે ઇન્ટરનેટ પ્રતિબંધને કારણે 3.04 બિલિયન ડૉલરનું નુકશાન
રાજન મેથ્યૂઝે એક ઇન્ટરવ્યૂમાં જણાવ્યું કે વર્ષ 2012થી 2017ની વચ્ચે ઇન્ટરનેટ પ્રતિબંધને કારણે 3.04 બિલિયન ડૉલર એટલે કે લગભગ 19,435 કરોડ રૂપિયાનું નુકશાન થયું છે. મેથ્યૂઝે ઇન્ડિયન કોઉન્સિલ ફોર રિસર્ચ ઓન ઇન્ટરનેશનલ ઇકોનૉમિક રિલેશન્સ (ICRIER)ની રિપોર્ટનો હવાલો આપતા કહ્યું કે તેમા 12,615 કલાકના મોબાઇલ ઇન્ટરનેટ શટડાઉનને કારણે 15,151 કરોડનું નુકશાન સામેલ છે.
આ ઉપરાંત 3,7000 કલાકના મોબાઇલ અને ફિક્સ્ડ લાઇન ઇન્ટરનેટ પ્રતિબંધ થવાને કારણે અર્થવ્યવસ્થાને 4,337 કરોડ રૂપિયાનું નુકશાન થયું છે.
નવી દિલ્હી સ્થિત સૉફ્ટવેર ફ્રીડમ લૉ સેન્ટર (SFLC) દ્વારા બનાવવામાં આવેલા ઇન્ટરનેટ શટડાઉન ટ્રેકરના આંકડાઓ મુજબ 2012 બાદથી દેશમાં 382 વાર ઇન્ટરનેટ બંધ થયું છે. જ્યારે આ વર્ષે એટલે કે 2020માં 4 વાર ઇન્ટરનેટ શટડાઉન થયું છે.