રાજકોટના ઉપલેટાનાં ભાયાવાદરમાં ડીઝીટલ જુગારનો વીડિયો વાયરલ થયો છે. પૂર્વ પાલિકા પ્રમુખે સ્થાનિક પોલીસ ઉપર ગંભીર આરોપ લગાવવામાં આવ્યા છે.
રાજકોટમાં ડીઝીટલ જુગારનું ચલણ વધ્યું
કાળી મજૂરી કરીને કમાયેલા પૈસાના જુગારમાં ગુમાવી રહ્યા છે
ઉલપેટા તાલુકાના ભાયાવદર ગામનો એક વીડિયો થયો વાયરલ
Vtv આ વીડિયોની પુષ્ટિ કરતું નથી
રાજકોટ જિલ્લામાં દેશી દારૂ કરતા પણ વધુ ખરાબ કહી શકાય તેવા ડીઝીટલ જુગારનું ચલણ શરૂ થયું છે. જેમાં ખાસ કરી શ્રમિકો પોતાના મહામહેનતે કમાયેલા રૂપિયા ગુમાવી રહ્યા છે. જિલ્લાનાં ઉપલેટા તાલુકાનાં ભાયાવાદર ગામનો એક વીડિયો પણ સામે આવ્યો છે. જેમાં સ્પષ્ટ જોઈ શકાય છે કે, કઈ રીતે કોમ્પ્યુટર ઉપર ખુલ્લેઆમ જુગાર રમાડવામાં આવી રહ્યો છે. અગાઉ આ પ્રકારનો જુગાર શહેરનાં અમુક વિસ્તારોમાં રમાતો હતો. જોકે પોલીસે લાલઆંખ કરતા હવે શહેરમાં આ જુગાર રમાતો ભાગ્યે જ જોવા મળે છે. ત્યારે હાલમાં જિલ્લાનાં ગામડાઓમાં આ દુષણ પ્રવેશ્યું હોવાનો એક વીડિયો સામે આવતા જ ભાયાવાદરનાં પૂર્વ પાલિકા પ્રમુખે પોલીસ પર ગંભીર આરોપો લગાવી આ જુગાર તાત્કાલિક બંધ કરાવવા માંગ કરી છે. vtv આ વીડિટોની પુષ્ટિ કરતું નથી.
સ્થાનિક પોલીસ સામે પૂર્વ પાલિકા પ્રમુખે કર્યા આક્ષેપો
જાણવા મળતી વિગત અનુસાર રાજકોટના ઉપલેટા તાલુકાના ભાયાવદર ગામમાં બેફામ જુગાર ચાલતો હોવાના આક્ષેપો લગાવવામાં આવી રહ્યા છે. તેમજ ભાયાવદર ગામમાં દુકાનમાં ચાલતા જુગાર અંગેનો વીડિયો પણ સામે આવ્યો છે. જોકે વિડીયો ક્યારનો છે તે જાણી શકાયું નથી. પરંતુ વીડિયો સામે આવતા પાલિકાના પૂર્વ પ્રમુખ નયનભાઈ જીવાણી દ્વારા આ જુગાર સ્થાનિક પોલીસની મીઠી નજર હેઠળ ચાલતો હોવાનો આરોપ લગાવવામાં આવ્યો છે. સાથે જ આ જુગાર બંધ કરાવવા સ્ટેટ મોનીટરીંગ સેલને દરોડા પાડવા અપીલ કરી છે.