ગાંધીનગર પ્રદેશ કાર્યાલય ખાતે થ્રીડી ફેન બન્યો આકર્ષણનું કેન્દ્ર , મોબાઇલ એપ્લિકેશન થકી જોવા મળી રહી છે થ્રીડી ઇમેજ
ભાજપ પ્રદેશ કાર્યાલય ખાતે થ્રિડી ફેન બન્યો આકર્ષણનું કેન્દ્ર
ગાંધીનગર કમલમ ખાતે સંમેલન હોલમાં થ્રી-ડી ફેન મુકાયો
થ્રિડી ફેન મોબાઈલ એપ્લિકેશનથી કાર્યરત થાય છે
ગુજરાત વિધાનસભાની ચૂંટણી આવી રહી છે ત્યારે ભાજપ દ્વારા પ્રચાર પ્રસાર કરવામાં કોઇ કસર બાકી રાખવા માંગતુ નથી . તેમાં પણ ખાસ ડિઝિટલ યુગમાં ભાજપ ડિઝિટીલ પ્રચાર કરવામાં કોઇ કસર બાકી રાખતી નથી. ભાજપનું ડિઝિટલ પ્લેટફોર્મ એકદમ સ્ટ્રોંગ માનવામાં આવે છે.,ત્યારે ભાજપ પ્રદેશ કાર્યાલય ખાતે કંઇક નવુ જ ડિઝિટલ ઇનોવેશન જોવા મળ્યું.
થ્રીડી ફેન બન્યો આકર્ષણનું કેન્દ્ર
હાલતો પીએમ મોદી સહિત અન્ય દેશોના પીએમ ગુજરાતના મહેમાન બન્યા છે. એટલે ગાંધીનગરમાં રાજકીય દિગ્ગજોની હલચલ તેજ બની છે. તેવામાં ગાંધીનગર પ્રદેશ કાર્યાલય ખાતે થ્રિડી ફેન આકર્ષણનું કેન્દ્ર બન્યો છે. જોવામાં પંખા જેવો જ પંખો છે પરંતુ જ્યારે પંખો શરુ થાય ત્યારે તેનો દેખાવ કંઇક ઓર જ હોય. આ થ્રીડી ફેનમાં ભાજપના સિમ્બોલ, ભાજપના સ્લોગન સહિત પ્રધાનમંત્રીના ફોટો પણ જોવા મળે છે. ફેન ચાલુ કરતાની સાથે જ વિવિધ ઇમેજ થ્રિડીમાં જોવા મળે છે. પહેલી નજરે લાગે નહી કે આ પંખો હશે. એમ જ લાગે છે થ્રીડીમાં ફોટો ડિસ્પ્લે થઇ રહ્યા છે.
કેવી રીતે ઓપરેટ થાય છે ફેન ?
સૉફ્ટવેરના માધ્યમથી આ થ્રીડી ફેન ચાલે છે. આ ફેન પર થ્રીડી ઇમેજ શો થાય તે માટે મોબાઇલમાં એક સૉફ્ટવેર બનાવેલુ છે. તેમાં એક પછી એક ફોટોગ્રાફ એડ કરતા જાવ એટલે તે ફોટોની થ્રીડી ઇમેજ જોવા મળે છે. હાલ તો આ પ્રકારના ઇનોવેશનની લઇને ભાજપના કાર્યકરોમાં એક ઉત્સાહની લાગણી જોવા મળી રહી છે.
થ્રીડી ઇનોવેશન ચૂંટણી પ્રચારનું હશે માધ્યમ ?
અત્યારે હાલતો આ ફેન ભાજપ પ્રદેશ કાર્યાલયના સંમેલન હોલમાં મુકવામાં આવ્યો છે. જ્યારે આવો જ ફેન સીઆર પાટીલના નિવાસ સ્થાને પણ જોવા મળ્યો છે. પરંતુ આગામી દિવસોમાં 2022ની વિધાનસભાની ચૂંટણી દરમિયાન ભાજપ પ્રચાર અને પ્રસાર માટે થ્રીડી ઇનોવેશન અપનાવે તો કોઇ નવાઇ નહી.