તમારા કામનું / હવે પાન, આધાર, પાસપોર્ટ, ડિગ્રી સહિતના ડોક્યુમેન્ટ્સ ખોવાઈ જવા પર નહીં થાય ચિંતા, અહીં ખોલાવો ફ્રી લોકર

• હવે તમારા દસ્તાવેજોને રાખો એકદમ સુરક્ષિત
• દસ્તાવેજો સાથે લઈને ફરવાની જરૂર નહીં પડે
• આ ખાસ જગ્યાએ સેવ કરી દો દસ્તાવેજો

CBSE બોર્ડે ધોરણ 10 અને 12ના વિદ્યાર્થીઓને તેમની માર્કશીટ પણ ડિજિલોકરમાં રાખવાની સુવિધા આપી છે. ડિજિલોકરથી ડિજિટલ માર્કશીટ મેળવવા માટે વિદ્યાર્થીઓએ Digilocker.gov.in  વેબસાઇટ પર જવું પડશે. જોકે, આ એપને ડાઉનલોડ કરવું ફરજિયાત નથી. જે વિદ્યાર્થીઓ તેને ડાઉનલોડ કરવા માંગતા નથી તેઓ Digilocker.gov.in પર લોગ ઇન કરીને તેમની માર્કશીટ ડાઉનલોડ કરી શકે છે.

ડિજિટલ લોકરમાં આ વસ્તુઓ રાખી શકાય છે

ડિજિટલ લોકર એક પ્રકારનું વર્ચ્યુઅલ લોકર છે, જે જુલાઈ 2015માં લોન્ચ કરવામાં આવ્યું હતું. ડિજિટલ લોકરમાં એકાઉન્ટ ખોલવા માટે તમારી પાસે આધાર કાર્ડ હોવું આવશ્યક છે. ડિજિટલ લોકરમાં તમે તમારું પાન કાર્ડ, વોટર આઈડી, પાસપોર્ટ અથવા અન્ય કોઈપણ મહત્વપૂર્ણ દસ્તાવેજ રાખી શકો છો.

આ રીતે ડિજિટસ લોકરમાં ખોલાવો એકાઉન્ટ

ડિજિટલ લોકર પર એકાઉન્ટ ખોલાવવા માટે સૌથી પહેલાં તમારે digilocker.gov.in અથવા digitallocker.gov.in પર જવું પડશે. ત્યારબાદ રાઈટ સાઈટ પર સાઇન અપ પર ક્લિક કરો. આ પછી એક નવું પેજ ખુલશે જ્યાં તમારો મોબાઇલ નંબર એન્ટર કરવો પડશે. ડિજિલોકર તમારા મોબાઇલ નંબર પર એક OTP મોકલશે, જે તમારે નાખવું પડશે. ત્યારબાદ યુઝર નામ અને પાસવર્ડ સેટ કરો. પછી તમે ડિજિલોકરનો ઉપયોગ કરી શકો છો.

આ રીતે ડોક્યૂમેન્ટ સેવ કરો

ડિજિલોકરમાં તમારા દસ્તાવેજને સેવ કરવા માટે તમારે દસ્તાવેજોને સ્કેન કરવા પડશે. તેના માટે તમે તમારા દસ્તાવેજોની તસવીર ક્લિક કરી શકો છો અને પછી તેને ડિજિલોકરમાં સેવ કરી શકો છો. તમને જણાવી દઈએ કે, ડિજિલોકરમાં તમે તમારી 10મા, 12મા, ગ્રેજ્યુએશનનની માર્કશીટ ઉપરાંત ડ્રાઇવિંગ લાયસન્સ સહિતના ઘણાં દસ્તાવેજો સેવ કરી શકો છો. તમને જણાવી દઈએ કે યુઝર લોકરમાં 50 એમબીના જ દસ્તાવેજો અપલોડ કરી શકે છે.