સમસ્યા / કેનેડા અને યુકે અભ્યાસ માટે જવા માગતા ગુજરાતી વિદ્યાર્થીઓની જાણો સૌથી મોટી મુશ્કેલી

• વિદેશ જવામાં કોરોનાનું વિઘ્ન 
• વિદ્યાર્થીઓને પડી રહી છે મુશ્કેલી 
• વિઝા માટે ખાવા પડે છે ધક્કા 

હવે વાત કરવી છે . વિદેશમાં ભણવા જવા ઈચ્છતા લોકોને પડી રહેલી મુશ્કેલીઓની.  કોરોનાએ આમ તો દરેક લોકોને ડરાવ્યા છે. દરેક લોકોના ધંધા-રોજગાર પર અને શિક્ષણ પર પણ તેની અસર થઈ છે. તેવામાં હવે વિદેશ અભ્યાસ માટે જવા ઈચ્છતા વિદ્યાર્થીઓ માટે અનેક પ્રકારના પ્રતિબંધો અને નિયમોએ મુશ્કેલીઓ ઉભી કરી રહ્યા છે. કેવી મુશ્કેલીઓ. આવો તે પણ જાણીએ આ રિપોર્ટમાં..

કોરોનાની મહામારી દરેક લોકો માટે મુશ્કેલીઓ ઉભી કરનારી છે. જોકે હાલ કોરોનાનું સંક્રમણ ઘટના અન્ય વેપાર ધંધા તો શરૂ થઈ રહ્યા છે.. પરંતુ ક્યાંકને ક્યાં હજૂ પણ વિદ્યાર્થીઓને મુશ્કેલીઓનો સામનો કરવો પડી રહ્યો છે.. ખાસ કરીને વિદેશ ભણવા જવા ઈચ્છતા વિદ્યાર્થીઓ માટે મુશ્કેલીઓ ઉભી થઈ છે. અલગ-અલગ દેશોમાં પ્રવેશ પર પ્રતિબંધથી લઇને ક્વોરન્ટાઇન પિરિયડ અને પ્રવેશ માટે થર્ડ કન્ટ્રી ટેસ્ટ સહિતના પ્રશ્નોથી વિદ્યાર્થીઓ ઝઝૂમી રહ્યા છે. કેનેડા અને યુકે ગુજરાતી વિદ્યાર્થીઓ માટે પહેલી પસંદ બની રહ્યા છે, પરંતુ કેનેડા જવા ઇચ્છતા વિદ્યાર્થીઓ સામે ઘણી સમસ્યાઓ છે. જોકે ગુજરાતમાં એવા પણ ઘણા વિદ્યાર્થીઓ છે જેમણે પોતા પરિજનોની માંદગીના કારણે પણ વિદેશ જવાનું માંડી વાળ્યું છે.

મહત્વનું છે કે, કેનેડા વિદ્યાર્થીઓ માટે  સૌથી વધુ લોકપ્રિય બન્યું છે. પરંતુ વિદ્યાર્થીઓને હાલમાં ઘણી મુશ્કેલીનો સામનો કરવો પડી રહ્યો છે. વિઝા ફાઇલ વખતે મેડિકલ સર્ટિફિકેટ અપલોડ કરવાનું હોય છે. પણ મેડિકલ સર્ટિફિકેટની પ્રક્રિયા લાંબો સમય બંધ રહ્યાં બાદ ગયા અઠવાડિયે જ ફરી શરૂ થઈ છે. આથી મેડિકલ સર્ટિફિકેટ વગર હજારો વિદ્યાર્થીઓ વિઝા માટે પ્રક્રિયા જ શરૂ નહોતા કરી શક્યા. કેનેડા માટે પાસપોર્ટ સ્ટેમ્પિગ પણ હજુ બંધ જ છે. અનેક વિદ્યાર્થીઓએ લગભગ રૂ. 15 લાખથી વધુ ચૂકવી દીધા છે પરંતુ તેમના માટે કેનેડા પહોંચવું હજુ પણ શક્ય બન્યું નથી. કેનેડાએ ભારત સાથેની ડાયરેક્ટ ફ્લાઇટ પર કોરોનાના કારણે 21 જુલાઇ સુધી પ્રતિબંધ મૂક્યો છે અને ઇનડાયરેક્ટ ફ્લાઇટથી જવા ઇચ્છતા વિદ્યાર્થીઓએ થર્ડ કન્ટ્રીનો કોવિડ રિપોર્ટ મેળવવો જરૂરી છે.