વિનેગર એટલે કે સિરકો રસોઇમાં સરળતાથી ઉપયોગમાં લેવાય છે. ખાસ કરીને તેનો ઉપયોગ આપણે કુકિંગમાં જ કરતાં આવ્યા છીએ, પણ શું તમે જાણો છો કે તેનો ઉપયોગ ઘરની આ વિવિધ ચીજોને સાફ કરવામાં પણ સરળતાથી કરી શકાય છે. તે તમારા ઘરને ચમકાવવામાં તમારી મદદ કરે છે. આ સસ્તું વિનેગર સફાઇમાં તમારી મદદ કરી શકે છે.
રસોઈનું વિનેગર આ રીતે કરશે સફાઈ
જાણો યોગ્ય પ્રમાણથી કઈ રીતે વિનેગર કરે છે સાફ સફાઈ
કુકિંગ સિવાય આ રીતે કામનું છે વિનેગર
વિનેગરને એક અસરકારક ક્લીનર માનવામાં આવે છે. કિચનમાં તમે તેની મદદથી ચોપિંગ બોર્ડની સફાઇ કરી શકો છો, તો બાથરૂમમાં ટોયલેટ ચમકાવવા માટે પણ તે કામનું છે. હાથની બળતરા દૂર કરવા પાણી અને વિનેગરને 2:1 ના પ્રમાણમાં મિક્સ કરીને ઉપયોગ કરો.
વોલપેપર કાઢવા માટે વિનેગર કામનું છે. એક બોટલમાં વિનેગર અને પાણીને સમાન પ્રમાણમાં લઇને મિક્સ કરો અને તે જગ્યા પર સ્પ્રે કરો. થોડી મિનિટો બાદ વોલપેપર કાઢો. તે સરળતાથી નીકળશે.
ટૂથબ્રશમાં થોડું વિનેગર લગાવો અને કિચન અને બાથરૂમમાં લાગેલા ટાઇલ્સ પરની ધૂળને ઘસીને સાફ કરો.
1:2ના પ્રમાણમાં વિનેગર અને પાણીને મિક્સ કરીને વુડન સરફેસ પર જામેલી ગંદગીને સાફ કરી શકાય છે.
પેંટબ્રશને ફરી પહેલા જેવું સાફ કે નવું કરવું હોય તો વિનેગરની જરૂર રહે છે. અડધો કે એક કલાક બ્રશને વિનેગરમાં ડુબાડીને રાખો. પછી કાઢીને સાફ કરી લો.
કમ્પ્યુટર કે માઉસ સાફ કરવું હોય તો વિનેગર અને પાણીને એકસરખા પ્રમાણમાં લો અને સોલ્યુશન બનાવો. તેનાથી સફાઇ કરવાથી નવા જેવી ચમક આવશે.
કાતરને સાફ કરવા માટે વિનેગરનો ઉપયોગ કરો. તેનાથી તેની પર ક્યારેય કાટ લાગશે નહીં.
વિનેગર અને પાણીના મિશ્રણથી તમે ફ્રિઝની અંદરના શેલ્ફ અને વોલ્સને પણ સાફ કરી શકો છો. તેની પીળાશ ઘટે છે અને ક્લીન રહે છે.
એક કપડાંને વિનેગરમાં ડુબાડીને તેનાથી પ્લાસ્ટિક કંટેનરને સારી રીતે સાફ કરો. તેનાથી કંટેનરની અંદરની સ્મેલ નીકળી જશે.
વિનેગર અને ગરમ પાણીને એક સરખા પ્રમાણમાં લો અને માઇક્રોવેવ સાફ કરો. ક્લીનિંગ ત્યારે કરો જ્યારે માઇક્રોવેવની અંદર સ્ટીમ હોય. સફાઇ સારી રીતે થઇ શકશે.