જ્યોતિષ શાસ્ત્ર અનુસાર, હોળીના તહેવાર મેષ રાશિના લોકોએ પીળા રંગનો ઉપયોગ કરવો જોઇએ જ્યારે વૃષભ રાશિના લોકોએ હોળીમાં સફેદ અને વાદળી રંગનો ઉપયોગ કરવો જોઇએ, કારણ કે આ બંને રંગ સદ્ભાવના દર્શાવે છે.
જો મિથુન રાશિના લોકો સફેદ અને લીલા રંગથી હોળી રમશે તો તેઓને તમામ કાર્યમાં સફળતા મળશે. જ્યારે કર્ક રાશિના લોકોએ હોળી રમવા માટે લીલો, પીળો અને સફેદ રંગનો ઉપયોગ કરવો જોઇએ. કારણ કે રંગનો ઉપયોગ કરવાથી વ્યવહારમાં સ્થિરતા આવે છે.
જ્યોતિષ અનુસાર સિંહ રાશિવાળા લોકોએ હોળી ગુલાબી, પીળા અને લીલા રંગથી રમવી જોઇએ. કારણકે તેનાથી સુખ અને સમૃધ્ધિ આવશે. કન્યા રાશિના લોકોએ હોળી પીળા અને ગુલાબી રંગથી રમવી જોઇએ , તેનાથી તેઓને જીવનમાં ખુશાલી આવશે. તુલા રાશિના લોકોએ હોળી રમવા માટે લીલા, વાદળી અને સફેદ રંગનો ઉપયોગ કરવો જોઇએ. આ રંગના પ્રયોગથી જીવનમાં સમુદ્ઘિ આવશે.
વૃશ્ચિક રાશિના લોકોએ હોળીના તહેવાર પર પીળો, લાલ, લીલો, ઘેરો લાલ અથવા તો મરૂન રંગનો પ્રયોગ કરવો જોઇએ કારણ કે તેનાથી વ્યકિતત્વ પ્રભાવશાળી બનશે. ધન રાશિના લોકોએ હોળી પર લીલા અને ગુલાબી રંગનો ઉપયોગ કરવો જોઈએ તેનાથી જીવનમાં ખુશીઓનો આરંભ થશે. મકર રાશિના લોકોએ હોળીના તહેવાર પર લાલ, સફેદ અને હળવા લીલા રંગનો પ્રયોગ કરવો જોઇએ કારણ કે તેનાથી મનમાં સકારાત્મકતા જોવા મળશે.
કુંભ રાશિવાળા લોકોએ વાદળી અને લાલ રંગથી હોળી રમવી જોઈએ કારણ કે તેનાથી તમામ કાર્યો સમયસર પૂર્ણ થશે. જ્યારે મીન રાશિના લોકોએ સફેદ, પીળો અને લીલો રંગ વાપરવો જોઇએ, કારણ કે આ રંગ તમારા માટે લકી છે.