હેલ્થ / આ લક્ષણોથી ઓળખો કે તમને કોરોના છે કે સિઝનલ ફ્લુ?

• કેટલીક સાવધાનીઓ રાખીને તેને ઓળખી શકાય છે 
• કોરોનાનાં લક્ષણ મોટાભાગે ગળા સાથે અને ફ્લૂનાં લક્ષણ નાક સાથે જોડાયેલાં હોય છે

નિષ્ણાતો કહે છે કે, કન્ફ્યુઝન થાય તે બહુ સ્વાભાવિક છે, કેમકે બંને વચ્ચે સાવ મામૂલી અંતર છે. ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સમાં રૂમેટોલોજી ડિપાર્ટમેન્ટના HOD ડો. ઉમાકુમાર કહે છે કે, કોરોના અને સિઝનલ ફ્લૂનાં લક્ષણને સમજતાં પહેલાં એક ડિસ્ક્લેમર આપવું જરૂરી છે. જેથી કોઈ વ્યક્તિ તેને ઓળખવામાં ભૂલ ન કરે. 

ડો ઉમા કહે છે કે, કોવિડ ૧૯ અને સિઝનલ ફ્લૂનાં લક્ષણો એકબીજાને ઓવરલેપ કરે છે. તેથી બંનેમાં અંતર કરવું મુશ્કેલ હોય છે. અત્યારે કોરોના મહામારી ચાલી રહી છે, તેથી એ વાતને ડાયગ્નોસિસમાં ધ્યાને રાખવી જરૂરી છે. 

ENT સ્પેશિયલ ડો. સંજય જૈન જણાવે છે કે, કોરોનાનાં લક્ષણ મોટાભાગે ગળા અને છાતીથી જોડાયેલાં હોય છે, તેમાં ડાયેરિયા પણ હોઇ શકે છે. ફ્લૂમાં મોટાભાગનાં લક્ષણો નાક સાથે જોડાયેલાં હોય છે. ફ્લૂમાં ગળામાં દુઃખાવો થવો જરૂરી નથી. કફ થઇ શકે છે. જો તમારું કોઇ બહારનું એક્સપોઝર ન હોય તો તમને ફ્લૂ જ હશે. 

આ છે કોરોનાનાં લક્ષણ

ઘણા દિવસો સુધી તાવ આવવો, સ્વાદ-સુગંધ ન આવવાં, પેટમાં દુઃખાવો થવો, ગળામાં દુઃખાવો થવો, છાતીમાં દુઃખવુ, શ્વાસ ફૂલવો, માથાનો દુઃખાવો

આ છે ફ્લૂનાં લક્ષણ

હળવો તાવ આવવો, ગળામાં ચચરાટ થવો, છીંક આવવી, સુંઘવા અને સ્વાદની ક્ષમતા ઘટવી, ગળામાં થોડો દુઃખાવો,કફ થવો, સુકી ખાંસી, શ્વાસ ફુલવો

શી સાવધાની રાખશો?

ઠંડી વસ્તુઓ ન ખાવ, તેનાથી ગળું ખરાબ થઇ શકે છે. જો ગળું ખરાબ થાય તો કોઇ પણ ઇન્ફેક્શન અંદર આવવાની શક્યતા વધી જાય છે. તેથી ગરમ પાણી પીતા રહો, તેનાથી આરામ મળે છે.  કોરોનાથી બચવા માટે હાથ વારંવાર ધુઓ, સપાટીને ન અડો. સોશિયલ ડિસ્ટન્સિંગ રાખો, કોઇ સપાટીને કે કોઇ વસ્તુને ન અડો, સેનિટાઇઝરનો ઉપયોગ કરો. કફ હાઇજિન, રિસ્પિરેટરી હાઇજિન બહુ જરૂરી છે. 

ફ્લૂથી બચવા માટે ટિશ્યૂ પેપરનો ઉપયોગ કરીને તેને બંધ ડસ્ટબિનમાં નાંખો. ખાંસતી કે છીંકતી વખતે મોં પર કપડું રાખો, દરવાજાના હેન્ડલને અડવાથી બચો. ગરમ પાણી પીવો. કફ હાઇજિન, રિસ્પિરેટરી હાઇજિન બહુ જરૂરી છે. તાવ કે ખાંસી થાય તો બીજાથી દૂર રહો.