તમારા કામનું / ફેટી લિવરની સમસ્યાથી છુટકારો અપાવશે આ વસ્તુઓ! આજથી જ ડાયેટમાં કરો શામેલ

• ફેટી લિવરની સમસ્યા હોય તો આ વસ્તુઓનું રાખો ધ્યાન 
• આ સુપર ફૂડ્સ કરશે ફેટી લિવરની સમસ્યા દૂર 
• જાણો કઈ કઈ વસ્તુઓને ડાયેટમાં કરશો શામેલ 

ફેટી લિવર એટલે કે તમારા લિવરની આસપાસ જરૂરિયાત કરતાં વધુ ચરબી જમા થાય છે. મોટા ભાગના કિસ્સાઓમાં ફેટી લીવરના કોઈ લક્ષણો નથી. એટલા માટે જો તમને ફેટી લિવર હોય તો હેલ્ધી ફૂડ ખાવું જરૂરી છે. એવો ખોરાક ખાઓ જેનાથી ફેટી લિવરને પાછું સ્વસ્થ બનાવી દે. આજે અમે તમને આવા જ કેટલાક ફૂડ્સ વિશે જણાવીશું.

કોફી
કોફીનું સેવન કરવાથી લિવરમાં જમા થયેલી ચરબી ઓછી થાય છે. તેથી તેના માટે તેનું સેવન સંતુલિત માત્રામાં કરી શકાય છે. પરંતુ ધ્યાનમાં રાખો કે કેફીનનું પ્રમાણ વધુ ન હોવું જોઈએ નહીં તો અન્ય સમસ્યાઓ શરૂ થાય છે.

પાંદડાવાળા શાકભાજી 
આ સ્થિતિમાં પાંદડાવાળા શાકભાજી પણ ઘણો ફાયદો આપે છે. ખાસ કરીને બ્રોકોલી ખાવાથી ફેટી લિવરમાં ઘણી રાહત મળે છે. હકીકતે તેના સેવનથી શરીરની ચરબી ઓછી થાય છે. આ માટે તમે કોબીજ, લીલી ડુંગળી, ગાજર, કોળું, પાંદડાવાળા લીલા શાકભાજી, બીટરૂટ વગેરેનું સેવન પણ કરી શકો છો.

લસણ
લિવરની ચરબી ઘટાડવા માટે લસણનો પણ ઉપયોગ કરી શકાય છે. તેમાં એન્ટિ-ઈન્ફ્લેમેટરી ગુણધર્મો છે જેનાથી ફેટી લીવરને ફાયદો થાય છે.

અખરોટ
ઓમેગા 3 ફેટી એસિડ અખરોટની ખાસિયત હોય છે. આ ખાસિયત લિવર માટે ફાયદાકારક છે. અખરોટ ત્યારે વધુ અસરકારક હોય છે જ્યારે ફેટી લિવરનું કારણ દારૂ ન હોય.