ડીઝલના ભાવમાં સતત વધારો થઈ રહ્યો છે. ડીઝલના ભાવમાં વધારો થતા ST વિભાગને દરરોજનું 7 લાખ રૂપિયાનું નુકસાન થઈ રહ્યું છે. એક તરફ કોરોનાના કારણે લોકો ઓછી મુસાફરી કરી રહ્યા છે, તો બીજી તરફ ડીઝલના ભાવમાં સતત વધારો થઈ રહ્યો છે.
ડીઝલના ભાવમા વધારો થતા ST વિભાગને ભારે નુકસાન
ડીઝલના ભાવ વધતા ST વિભાગને દરરોજનું 7 લાખનું નુકસાન
લોકડાઉન પહેલા દરરોજ 25 લાખ લોકો કરતા હતા મુસાફરી
સરકારની નીતિથી ST વિભાગને નુકસાન થતા કર્મચારીઓએ વિરોધ કર્યો છે. ST વિભાગના નુકસાનનો બોજ પોતાના પર આવે તેવો કર્મચારીઓને ડર સતાવી રહ્યો છે. લોકડાઉન પહેલા ST બસમાં દરરોજ 25 લાખ જેટલા લોકો મુસાફરી કરતા હતા.
10 દિવસમાં 25 લાખ જેટલા લોકો મુસાફરી કરી
જોકે હાલમાં 10 દિવસમાં 25 લાખ જેટલા લોકો મુસાફરી કરી રહ્યા છે. ST દ્વારા મુસાફરો પાસેથી કિલોમીટરના 80 પૈસાના લેખે ભાડું વસૂલવામાં આવે છે. ST બસમાં લોકો ઓછી મુસાફરી કરતા વિભાગને દરરોજ એક કરોડનું નુકસાન થઈ રહ્યું છે