પેટ્રોલ ડીઝલે આજે ફરી બજારમાં આગ લગાવી છે. સરકારી તેલ કંપનીઓએ આજે પેટ્રોલના ભાવમાં 29 પૈસા પ્રતિ લિટરનો વધારો કર્યો છે. આજે ડીઝલ પણ 28 પૈસા પ્રતિ લિટર મોંઘુ છે. જો કે કાચા તેલના બજારોમાં ગત અઠવાડિયે બુધવારે અને ગુરુવારે નરમાશ જોવા મળી હતી. પરંતુ શુક્રવારે અહીં ફરી વધારા સાથે બંધ થયું. દિલ્હીના બજારમાં રવિવારે પેટ્રોલ વધીને 97.22 રુ. પ્રતિ લિટર પર ચાલી રહ્યુ છે .જ્યારે ડીઝલ 87.97 રુ. પ્રતિ લિટર પહોંચ્યું છે.
28 દિવસમાં જ 6.90 રુપિયા મોંઘુ થયુ પેટ્રોલ
એવુ જોવા મળ્યું છે કે જ્યારે કોઈ મહત્વપૂર્ણ ચૂંટણી હોય છે તો પેટ્રોલ- ડીઝલના ભાવ નથી વધતા . અનેક રાજ્યોમાં વિધાનસભા ચૂંટણીની પ્રક્રિયા ચાલવાના કારણે ગત માર્ચ અને એપ્રિલમાં પેટ્રોલની કિંમતોમાં કોઈ વધારો નથી થયો. પણ આ દરમિયાન કાચું તેલ મોંઘુ થવા છતાં પણ પેટ્રોલ -ડીઝલના ભાવમાં કોઈ વધારો નથી થયો. પરંતુ ગત 4 મહિનામાં આની કિંમત ખૂબ વધી છે. સતત કોઈ વાર સતત તો કોઈ વાર રોકાઈ રોકાઈને 28 દિવસમાં પેટ્રોલ 6.90 રુપિયા પ્રતિ લિટર મોંઘુ થયું છે.
28 દિવસમાં 7.19 રુપિયા મોંઘુ થયું ડીઝલ
5 રાજ્યોમાં વિધાનસભા ચૂંટણી માટે ચૂંટણી આયોગે ગત 26 ફેબ્રુઆરીએ અધિસૂચના જારી કરી હતી. આ બાદ સરકારી તેલ કંપનીઓએ અંતિમ વાર 27 ફેબ્રુઆરી 2021ના રોજ ડીઝલના ભાવમાં 17 પૈસા પ્રતિ લિટરનો વધારો કર્યો હતો. આ બાદ બે મહિનાથી પણ વધારે દિવસો સુધી કોઈ વધારો થયો નહીં. ચૂંટણી વિત્યા બાદ ફરી 4 મેથી અત્યાર સુધી રોકાઈ રોકાઈને 28 દિવસોમાં ડીઝલના ભાવ 7.19 રુપિયા પ્રતિ લિટર વધ્યુ છે.
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.