આસામ પોલીસે દુબઈ પોલીસની સાથે મળીને એક મહત્વપૂર્ણ મિશનને અંજામ આપ્યો છે. બંને એજન્સીઓએ મળીને આર્જેન્ટીનાના દિગ્ગજ ફૂટબોલર ડિએગો મારાડોનાની ઘડિયાળની ચોરી કરનારા શખ્સને ઝડપી પાડ્યો છે અને તેની પાસેથી ઘડિયાળ મેળવવામાં આવી છે. આસામના મુખ્યમંત્રી હેમંત બિસ્વા સરમાએ ટ્વિટ કરી આ અંગે માહિતી આપી છે.
આસામ પોલીસે દુબઈ પોલીસની સાથે મળી મહત્વના મિશનને પાર પાડ્યુ
આ શખ્સ પાસેથી મારાડોનાની લિમિટેડ એડિશન Hublot ઘડિયાળ પણ મળી
દિવંગત ફૂટબોલર ડિએગો મારાડોનાની ઘડિયાળ મળી
આસામ પોલીસને જે શખ્સ પાસેથી આ ઘડિયાળ મળી છે, તેની ધરપકડ કરવામાં આવી છે. આસામ પોલીસના DGP જ્યોતિ મોહંતાએ દુબઈ પોલીસની સાથે મળીને જાણકારી આપી કે ડિએગો મારાડોનાની ઘડિયાળ આસામના ચરાઈદેવ જિલ્લામાંથી મળી છે. આ સાથે તે શખ્સની ધરપકડ પણ કરવામાં આવી છે. DGP તરફથી માહિતી આપવામાં આવી છે કે અમે વાજિદ હુસૈન નામના એક શખ્સને ચરાઈદેવ જિલ્લાના મોરનહાટ વિસ્તારમાંથી ઝડપ્યો છે. જેની પાસેથી દિવંગત ફૂટબોલર ડિએગો મારાડોનાની Hublot કંપનીની લિમિટેડ એડિશન ઘડિયાળ પણ મળી છે.
DGPએ વધુમાં કહ્યું કે જે શખ્સની ધરપકડ કરવામાં આવી છે, તે મૂળ આસામના શિવસાગર જિલ્લાનો રહેવાસી છે. તો શિવસાગર જિલ્લાના એસપીએ એક વેબપોર્ટલને જણાવ્યું કે જેની ધરપકડ કરવામાં આવી છે. તે શખ્સ દુબઈમાં કામ કરતો હતો અને ઓગષ્ટ 2021માં ભારત પાછો આવ્યો હતો. શિવસાગરના SP રાકેશ રોશને એવી પણ માહિતી આપી છે કે તેમને ગુપ્ત માહિતી પ્રાપ્ત થઈ હતી. જે હેઠળ એક ઓપરેશન દરમ્યાન પોલીસે વાજિદ હુસૈનને મોરનહાટ વિસ્તારમાં તેના સાસરીયાના ઘરમાંથી ધરપકડ કરી હતી અને ત્યાથી દિગ્ગજ ફૂટબોલર ડિએગો મારાડોનાની લિમિટેડ એડિશન Hublot ઘડિયાળ પણ મળી. તો આસામના મુખ્યમંત્રી હેમંત બિસ્વા શર્માએ આ અંગે ટ્વિટ કરી માહિતી આપી છે.
In an act of international cooperation @assampolice has coordinated with @dubaipoliceHQ through Indian federal LEA to recover a heritage @Hublot watch belonging to legendary footballer Late Diego Maradona and arrested one Wazid Hussein. Follow up lawful action is being taken. pic.twitter.com/9NWLw6XAKz