રાજકારણ / 'કોંગ્રેસની તરફ નથી ગયો, મને બીજેપીએ ધકેલ્યો હતો, હું આજે પણ..' : શિવસેના છીનવાયા બાદ ઉદ્ધવ ઠાકરેનું મોટું નિવેદન

• મહારાષ્ટ્રમાં ફરી રાજકારણ ગરમાયું છે
• ચૂંટણી પંચે શિવસેનાનું નામ અને બ્રાન્ડ શિંદે જૂથને સોંપી દીધું છે
• હિંમત હોય તો ચૂંટણી લડો અને જીતોઃઉદ્ધવ ઠાકરે

ચૂંટણી પંચના નિર્ણય બાદ મહારાષ્ટ્રમાં રાજકારણ ગરમાયું છે. ઉદ્ધવ ઠાકરેએ રવિવારે કહ્યું કે ગઈ કાલે મેં રસ્તા પર આવીને ચોરોને પડકાર ફેંક્યો છે કે હિંમત હોય તો ચૂંટણી લડો અને જીતો. મેં હિન્દુત્વ છોડ્યું નથી, મેં માત્ર ભાજપ છોડી દીધું છે. આ દરમિયાન ઉદ્ધવે કહ્યું કે તેઓ કોંગ્રેસ તરફ નથી ગયો, પરંતુ ભાજપ દ્વારા તેમને ધકેલવામાં આવ્યા છે. કારણ કે ભાજપે ગઠબંધન તોડી નાખ્યું હતું. મેં ગઠબંધન તોડ્યું ન હતું.  હું ત્યારે હિંદુ હતો અને આજે પણ હિંદુ છું.
હું ઘણા લાંબા સમય બાદ હિન્દી ભાષા બોલી રહ્યો છુંઃઉદ્ધવ
ઉદ્ધવ ઠાકરેએ રવિવારે કહ્યું કે લાંબા સમય પછી હું હિન્દી ભાષા બોલી રહ્યો છું. કારણ કે મને ખબર ન હતી કે ચૂંટણી પંચ આવો નિર્ણય લેશે. મારું ધનુષ અને બાણ ચોરાઈ ગયા છે, પરંતુ હવે ભગવાન શ્રી રામ અમારી સાથે છે.
કાશી અને મહારાષ્ટ્ર વચ્ચેનો સંબંધ ઘણો જૂનો છેઃઉદ્ધવ
ઉદ્ધવ ઠાકરેએ કહ્યું કે પહેલા બધા ઘરે આવતા હતા, પરંતુ કેટલાક સમયથી ઘરે આવનારા લોકોની સંખ્યા ઘટી છે. કાશી અને મહારાષ્ટ્ર વચ્ચેનો સંબંધ ઘણો જૂનો છે, અમને આશા નહોતી કે આટલો જલ્દી નિર્ણય લેવામાં આવશે. તેઓએ અમારું ધનુષ અને બાણ છીનવી લીધું, પણ હવે રામ અમારી સાથે છે. 

મારા પિતા અને મારા માટે હિન્દુત્વ એટલે દેશભક્તિઃઉદ્ધવ
ઉદ્ધવે કહ્યું કે ગઈ કાલે મેં તેમને ધનુષ્ય લઈને સામે આવવા માટે પડકાર ફેંક્યો હતો. હું મારી મશાલ લઈને તમારી સામે આવીશ. મેં ભાજપ છોડી દીધું છે, હિન્દુત્વ નહીં. કારણ કે હું તેમનું હિન્દુત્વ સ્વીકારતો નથી. મારા પિતા અને મારા માટે હિન્દુત્વ એટલે દેશભક્તિ. હું જનતાને પૂછું છું કે મેં શું ભૂલ કરી.
ઉદ્ધવે કહ્યું કે જે લોકો આજે જે લોકો હિન્દુત્વની વાત કરી રહ્યા છે તેઓ રમખાણો વખતે ક્યાં હતા? હવે 56 ઇંચની છાતી બતાવે છે, પણ ત્યારે તમને પરસેવો વળી ગયો હતો. એમ પણ કહ્યું કે મેં ગઠબંધન નથી તોડ્યું, પરંતુ ભાજપે મને દબાણ કર્યું. ભાજપે મને મહાવિકાસ અઘાડી ગઠબંધન સાથે જવા દબાણ કર્યું.
અમિત શાહ પર સાધ્યું નિશાન
આ દરમિયાન ઉદ્ધવે અમિત શાહનું નામ લીધા વગર નિશાન સાધતા કહ્યું કે ગઈ કાલે કોઈ પુણે આવ્યું હતું, પૂછ્યું કે બધું કેવું ચાલે છે. તેના પર તેમને જવાબ મળ્યો કે ચૂંટણી પંચે અમારા પક્ષમાં નિર્ણય લીધો છે. તેમનું માનવું છે કે તેમની પાર્ટીમાં રહેનારા જ હિન્દુત્વવાદી છે.