દિલ્હી તોફાન પર અભિપ્રાય / VIDEO : 'હિંદુ છું એટલે મારી ધરપકડ ન કરાઈ', આખાબોલી એક્ટ્રેસ સ્વરા ભાસ્કરે છેડી મોટી ચર્ચા

છૂટા મોંએ પોતાની વાત કહેવા માટે જાણીતી બોલીવુડ એક્ટ્રેસ સ્વરા ભાસ્કર ફરી એક વાર ચર્ચામાં આવી છે. સ્વરાનો એક વીડિયો સોશિયલ મીડિયામાં વાયરલ થયો છે જેમાં તે જવાહર લાલ નેહરુ યુનિ.ના પૂર્વ વિદ્યાર્થી જેલમાં બંધ ઉમર ખાલિદ જેવા મુસ્લિમ યુવાનના પક્ષમાં બોલી હતી. દેશના ન્યાય તંત્ર પર સવાલ ઉઠાવતાં તેણે કહ્યું કે ચાર વર્ષથી જેલમાં કેદ ઉમર ખાલિદ કેસમાં સુનાવણી માટે જજોની પાસે સમય નથી પરંતુ ચીફ જસ્ટિસ ડીવાય ચંદ્રચુડની પાસે પીએમ મોદી સાથે ગણેશ પૂજા કરવાનો સમય છે.

હું હિંદુ હોવાથી જેલમાં ન પુરાઈ

સ્વરાએ કહ્યું કે 2020ના દિલ્હીના કોમી તોફાનોના વિરોધમાં થયેલા આંદોલનમાં હું પણ સામેલ હતી તેમ છતાં તેને જેલમાં ન પૂરાઈ કારણ કે તે એક હિંદુ છે અને બીજા લોકો મુસ્લિમો હતા તેથી તેમને જેલમાં પૂરી દેવામાં આવ્યાં. સ્વરાએ કહ્યું કે શા માટે ખાલિદ અને અન્ય કાર્યકરો ચાર વર્ષથી જેલમાં બંધ હોવા છતાં તેમની જામીન સુનાવણી માટે તારીખ સુરક્ષિત કરી શક્યા નહીં. "મેં પણ મારો અવાજ ઉઠાવ્યો હતો અને આંદોલન દરમિયાન વિરોધ કરનારાઓમાંનો એક હતી તેમ છતાં પણ મને જેલમાં ન ધકેલી દેવાઈ શા માટે? કારણ કે યોગાનુયોગ, મારો જન્મ એક હિંદુ પરિવારમાં થયો હતો. તેઓએ વિચાર્યું હશે કે મને જેલના સળિયા પાછળ ધકેલી દેવાનું ઘણું વધારે હશે.

View this post on Instagram

A post shared by Swara Bhasker (@reallyswara)

<script async src="//www.instagram.com/embed.js"></script>

હિંદુઓને આતંકવાદી ચીતરવા અઘરું કામ- સ્વરા

સ્વરા ભાસ્કરે કહ્યું કે તમે એક મુસ્લિમને આતંકવાદી તરીકે લેબલ કરી શકો છો, પરંતુ તેઓએ વિચાર્યું જ હશે કે એક હિન્દુ ભૂતપૂર્વ નેવી ઓફિસરની પુત્રીને આતંકવાદી તરીકે ટેગ કરવાનું થોડું વધારે થઈ રહેશે. સ્વરાએ દિલ્હી હાઈકોર્ટના જસ્ટીસ અમિત શર્માની પણ ટીકા કરી, જેમણે જેલમાં કેદ મુસ્લિમ વિદ્યાર્થી નેતાઓની અરજી પર સુનાવણી કરવામાંથી પોતાની જાતને ખસેડી લીધી હતી. સ્વરાએ સવાલ છેડ્યો કે તમને આ નેતાઓની અરજી પર સુનવાણી કરવામાંથી શું બીક લાગતી હતી? અમે જે ટેક્સ ચૂકવીએ છીએ તેમાંથી તમે તમારો પગાર મેળવો છો. તો પછી તમે તમારી જવાબદારીમાંથી કેમ છટકી જાવ છો?

વધુ વાંચો :

શું હતા દિલ્હીના રમખાણો?

2020માં નરેન્દ્ર મોદીની આગેવાની હેઠળની સરકારના નાગરિકતા સુધારા કાયદા (CAA) વિરુદ્ધ સમગ્ર દિલ્હીમાં વિરોધ ફાટી નીકળ્યો. આ તીવ્ર વિરોધ પ્રદર્શનનમાં 53 જેટલા લોકો માર્યા ગયા હતા, અને 700 થી વધુ લોકો ઘાયલ થયા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ