કોઇ લકી ગ્રાહકને મુંબઇમાં ચાલી રહેલા ભારત ડાયમંડ વીક દરમિયાન હીરાજડિત 5 કરોડ રૂપિયાની કિંમતની મર્સિડીઝ બેન્ઝ એસ ક્લાસ કાર ફ્રી મળી શકે છે. આ કાર પર 3.5 લાખ રૂપિયાની સ્વરોવસ્કી ક્યૂબિક જિરોકોનિયા ડાયમંડ લાગેલા છે.
એક લકી ગ્રાહકને મળશે 5 કરોડની કાર
મુંબઇમાં ચાલી રહ્યું છે ભારત ડાયમંડ વીક
આ પ્રદર્શનીમાં શો કરવામાં આવી છે હીરાજડિત કાર
જે ગ્રાહકના નસીબ જોર કરતાં હશે, એમને મુંબઇમાં ચાલી રહેલ ભારત ડાયમંડ વીક દરમિયાન હીરા જડિત 5 કરોડ રૂપિયાની કિંમતની મર્સિડીઝ બેન્ઝ એસ ક્લાસ કાર ફ્રી મળી શકે છે. આ કાર પર 3.5 લાખ રૂપિયાની સ્વરોવસ્કી ક્યૂબિક જિરોકોનિયા ડાયમંડ લાગેલા છે.
ઇનામમાં મળનારી આ લક્ઝરી સિડાન કારને સોમવારે ડાયમંડ એક્ઝીબિશન દરમિયાન અનાવરણ કરવામાં આવી. કાર કોને મળશે એના માટે ખરીદારીની કેટલીક શરતો નક્કી કરવામાં આવી છે.
હીરોની પ્રદર્શની 'ભારત ડાયમંડ વીક'ની ત્રીજા સંસ્કરણના આયોજન 14 થી 16 ઑક્ટોબર સુધી મુંબઇમાં કરવામાં આવ્યું છે. એનું આયોજન મુંબઇના બાન્દ્રા કુર્લા કોમ્પેલ્ક્સ સ્થિત ભારત ડાયમંડ બોર્સ પરિસરમાં કરવામાં આવી રહ્યું છે. એમાં 60થી વધારે ભારતીય હીરા વેપારી આંતરરાષ્ટ્રીય ખરીદારો માટે પોતાના પૉલિશ્ડ ડાયમંડનું પ્રદર્શન કરી રહ્યા છે.
આ દુનિયાના સૌથી મોટા હીરી કેન્દ્રોમાંથી એક છે જ્યાંથી દુનિયાના હીરા નિર્યાતનો 90 ટકા ભાગ જાય છે. આ વખતે 35થી વધારે દેશોના ગ્રાહકો એમાં સામેલ થાય એવી આશા છે.
નોંધનીય છે કે આર્થિક મંદીના કારણે હીરા વેપાર ખૂબ મુશ્કેલથી ચાલી રહ્યો છે. છેલ્લા છ મહિનામાં હીરાની આપૂર્તિ 30 થી 40 ટક ઓછી થઇ ગઇ છે. બીડીબી આ કારોબારને વધારવાનો પ્રયત્નમાં લાગ્યું છે. જાન્યુઆરી 2020થી વેપાર સુધરે એવી આશા છે. જ્યારે ચીનનું નવું વર્ષ શરૂ થશે.
શું કરવું પડશે કાર જીતવા માટે
કોઇ ગ્રાહકને 5 કરોડ રૂપિયાની કાર જીતવા માટે એના ઓછામાં ઓછા 10 ગણા કિંમતના હીરા ખરીદવા પડશે, એટલે એને 50 કરોડ રૂપિયાના પૉલિશ્ડ ડાયમંડ ખરીદવા પડશે. લક્ષ્મી ડાયમંડ કંપનીના મેનેજિંગ ડાયરેક્ટર અશોક ગજેરાએ મીડિયાને જણાવ્યું કે, 'આ કાર કોઇ પણ એવા આંતરરાષ્ટ્રીય ગ્રાહકને મળશે જે ઓછામાં ઓછા 50 કરોડ રૂપિયાના હીરા ખરીદશે. જો કોઇ આવો ગ્રાહક મળતો નથી તો કારની બાદમાં નીલામી કરવામાં આવશે અને એમાંથી મળનારી રકમને મહારાષ્ટ્રના સીએમ રાહત કોષમાં દાન કરી દેવામાં આવશે.'