VIDEO: લમણે ઇલેક્ટ્રીક ગન રાખી 1 કરોડના હીરા ચોરી બાઇક સવાર રફુચક્કર

સુરતના કતારગામ વિસ્તારમાં હીરાની લૂંટ થઈ છે. મળતી માહિતી પ્રમાણે બ્લુસ્ટાર કંપનીનો એક કર્મચારી અંદાજીત 1 કરોડની કિંમતના હીરા લઈને સેફ ડિપોઝીટમાં જમા કરાવવા માટે જઈ રહ્યો હતો.

આ દરમિયાન કતારગામના આશ્રમ રોડ પર બે બાઈકરે તેના પર ઈલેક્ટ્રીક ગનથી હુમલો કરી હીરાની બેગની લૂંટ કરી હતી. અને કર્મચારીને માર મારી હીરાની બેગ સાથે ફરાર થઈ ગયા છે. જોકે સમગ્ર લૂંટની ઘટના અંગે જાણ થતા જ  ઉચ્ચ પોલીસ અધિકારીઓનો કાફલો ઘટના સ્થળ પર દોડી આવ્યો હતો અને લૂંટારુઓને પકડવા શહેરમાં નાકાબંધી કરી તપાસ હાથ ધરી છે.

ઉલ્લેખનીય છે કે આજરોજ સુરતની બ્લૂ સ્ટાર કંપનીનો કર્મી આશરે 1 કરોડની કિંમતના હીરા લઇને સેફ ડિપોઝીટમાં મુકવા જતો હતો ત્યારે અચાનક બાઇક સવારોએ આવીને ઇલેક્ટ્રીક ગન કર્મીના લમણે રાખીને હિરા લઇ નાસી છૂટ્યા હતા. આ બનાવની જાણ થતા પોલીસ અધિકારીનો કાફલો ઘટના સ્થળે તાત્કાલિક અસરથી આવી પહોંચ્યો હતો અને તપાસ હાથ ધરી હતી.