વાહ... ડાયમંડ કિંગ ભામાષાએ કર્મચારીઓને ભેટ કરી 'મર્સિડીઝ કાર' 51 કરોડનું આપી ચૂક્યા છે દિવાળી બોનસ

સુરત: સુરતના 'ભામાષા' ડાયમંડ કિંગ સવજીભાઈ ધોળકિયાની વધુ એક વખત દરિયાદિલી સામે આવી છે. માનવામાં ન આવે એવું સવજીભાઈએ કરી બતાવ્યું છે. તેમણે પોતાના કર્મચારીઓને દિવાળી ભેટ તરીકે મર્સિડીઝ કાર આપી છે. SRK ડાયમંડમાં આનદીબેનના હસ્તે 3 કર્મચારીને એક કરોડથી વધુની કિંમતની મર્સિડીજ કાર ભેટ આપી છે. 

આ ઉપરાંત એક કર્મચારીનું મોત થતા કર્મચારીના પરિવારને 1 કરોડનો ચેક અર્પણ કર્યો છે. મહત્વનું છે કે અગાઉ પણ સવજીભાઈએ તેના અનેક કર્મચારીઓને કાર ફ્લેટ વગેરેની ભેટ આપી હતી અને કેટલાય કર્મચારીઓના માતાપીતાને જાત્રા પણ કરાવી હતી.

ઉલ્લેખનીય છે કે બે વર્ષ પહેલા તેમના કર્મચારીઓને દિવાળી બોનસ તરીકે 400 ફ્લેટ અને 1260 જેટલી કાર ભેટ કરી ચૂક્યા છે. તેમણે કર્મચારીઓને કુલ 51 કરોડની વસ્તુઓ ભેટ કરી હતી. ત્યારે ફરી તેમણે એક મોટુ પગલું ભર્યું છે અને કર્મચારીઓને દિવાળી બોનસમાં મર્સિડીઝ કાર આપી છે.