Health Tips / ડાયાબિટીસના દર્દીઓ આ રીતે કરો હળદરનું સેવન, બ્લડ શુગર લેવલ રહેશે કંટ્રોલમાં

• ડાયાબિટીસના દર્દીઓ આ રીતે કરો હળદરનું સેવન 
• બ્લડ શુગર લેવલ રહેશે કંટ્રોલમાં 
• સાથે જ સ્વાસ્થ્યને થશે આ ફાયદા

હળદર દરેક ઘરમાં સરળતાથી મળી રહે છે. તે સ્વાસ્થ્ય અને ત્વચા બંને માટે ફાયદાકારક છે હળદર શરીરની રોગપ્રતિકારક શક્તિ વધારવામાં પણ મદદ કરે છે. આટલું જ નહીં હળદરને ડાયાબિટીસ માટે સારી માનવામાં આવે છે. તેથી ડાયાબિટીસના દર્દીઓએ હળદરનું સેવન કરવું જોઈએ. આવો અમે તમને જણાવીએ કે ડાયાબિટીસના દર્દીઓ હળદરનું સેવન કેવી રીતે કરી શકે છે.

ડાયાબિટીસમાં હળદર કેવી રીતે ફાયદાકારક છે?
ડાયાબિટીસના દર્દીઓ માટે હળદર ખૂબ જ ફાયદાકારક માનવામાં આવે છે. હળદરમાં યોગ્ય માત્રામાં કરક્યુમિન હોય છે. જેના કારણે હળદરને ડાયાબિટીસના દર્દીઓ માટે ખૂબ જ ફાયદાકારક માનવામાં આવે છે. તમને જણાવી દઈએ કે ડાયાબિટીસમાં હળદરનું સેવન કરવાથી બ્લડ શુગર લેવલ ઘટાડવામાં મદદ મળે છે.

ડાયાબિટીસના દર્દીઓએ આ રીતે હળદરનું સેવન કરવું જોઈએ
હળદર અને તજ
ડાયાબિટીસના દર્દીઓ હળદર અને તજનું સેવન સરળતાથી કરી શકે છે. તેનું સેવન કરવા માટે એક ગ્લાસ દૂધમાં હળદર, તજ પાવડર મિક્સ કરીને ગરમ કરો. તમે બ્રેકફાસ્ટમાં આ દૂધનું સેવન કરી શકો છો. તમને જણાવી દઈએ કે હળદરની સાથે તજ પણ બ્લડ શુગર લેવલને કંટ્રોલમાં રાખવામાં મદદ કરે છે.

હળદર અને કાળા મરી
હળદરની સાથે કાળા મરીના સેવનથી ડાયાબિટીસના દર્દીઓનું બ્લડ શુગર પણ કંટ્રોલમાં રહે છે. ડાયાબિટીસના દર્દીઓ કાળા મરી અને દૂધ સાથે હળદર મિક્ષ કરીને પણ પી શકે છે. આ માટે એક ગ્લાસ દૂધમાં હળદર અને કાળા મરીનો પાઉડર નાંખો, હવે તેને ગરમ કરીને પીવો.

હળદર અને આમળા
હળદરની સાથે આંબળા પણ ડાયાબિટીસના દર્દીઓ માટે ફાયદાકારક માનવામાં આવે છે. આમળામાં વિટામિન સી સારા પ્રમાણમાં હોય છે. જે કોલેસ્ટ્રોલ લેવલને કંટ્રોલમાં રાખવામાં મદદ કરે છે. આ માટે તમે આમળા પાવડર અને હળદરને મિક્સ કરીને પાણી સાથે સેવન કરી શકો છો. આ મિશ્રણ ડાયાબિટીસના દર્દીઓ માટે ખૂબ જ ફાયદાકારક છે.