ડાયાબિટીસ એક ક્રોનિક બિમારી છે. છેલ્લાં થોડા વર્ષોમાં નવયુવાનોમાં પણ ડાયાબિટીસના કેસો વધવા લાગ્યા છે. NHS મુજબ ડાયાબિટીસના દર્દીઓમાં શરીરના અંગ કાપવાનુ જોખમ 15 ગણુ વધારે હોય છે.
નવયુવાનોમાં પણ ડાયાબિટીસના કેસો વધવા લાગ્યા
દર્દીઓમાં શરીરના અંગ કાપવાનુ જોખમ 15 ગણુ વધારે
જાણો ડાયાબિટીસથી પગને કેવીરીતે થાય છે નુકસાન
ડાયાબિટીસના પ્રકાર
તો આવો જાણીએ પગને કેવીરીતે નુકસાન પહોંચાડે છે. ડાયાબિટીસ અને તેનાથી બચવા માટે શું કરવુ જોઈએ. ડાયાબિટીસ બે પ્રકારના હોય છે. ટાઈપ 1 ડાયાબિટીસ અને ટાઈપ 2 ડાયાબિટીસ. ટાઈપ 1 ડાયાબિટીસમાં પૈનક્રિયાજ ઈન્સુલિનનુ ઉત્પાદન બિલ્કુલ પણ થતુ નથી. તો ટાઈપ 2 ડાયાબિટીસમાં પેનક્રિયાજ ખૂબ ઓછી માત્રામાં ઈન્સુલિનનુ ઉત્પાદન કરે છે.
શરીરના અંગોને કાપવાનુ નુકસાન 15 ગણુ વધારે
નેશનલ હેલ્થ સર્વિસનુ કહેવુ છે કે ડાયાબિટીસથી પીડિત દર્દીઓમાં શરીરના અંગોને કાપવાનુ નુકસાન 15 ગણુ વધારે હોય છે. કારણકે તેમનુ શરીર પહેલેથી જ ટિશુ ડેમેજની મરામત કરી શકતુ નથી. ટાઈપ 2 ડાયાબિટીસની તુલનામાં ટાઈપ 1 ડાયાબિટીસના દર્દીઓને આ જોખમનો સામનો વધુ કરવો પડે છે.
ડાયાબિટીસના કારણે નવયુવાનોના અંગ કાપવાના કેસો વધ્યાં
નવયુવાનોમાં ડાયાબિટીસના કારણે અંગ કાપવાના કેસો છેલ્લાં 10 વર્ષોમાં ઝડપથી વધી રહ્યાં છે. બ્રિટનમાં આંકડા દર્શાવે છે કે ગયા વર્ષે ડાયાબિટીસના કારણે 29 વર્ષથી નાની ઉંમરના 17 નવયુવાનોને પોતાના હાથ-પગ ગુમાવવા પડ્યા. તો વર્ષ 2011-12માં 6 અને 2009-10માં માત્ર બે લોકોને પોતાના હાથ-પગ ગુમાવવા પડ્યા હતા.
પગને કેવીરીતે નુકસાન પહોંચાડે છે ડાયાબિટીસ?
ડાયાબિટીસની લિંક બે પ્રકારની કન્ડીશનની સાથે હોય છે, પેરિફેરલ આર્ટરી ડિસીસ અને ડાયાબિટીક ન્યૂરોપેથી. આ બંને સમસ્યાઓને પગલે પગ કાપવાની નોબત આવી શકે છે. પેરિફેરલ આર્ટરી ડિસીસમાં ધમનીઓ ખૂબ સંકોચાવવા લાગે છે, જેનાથી પગ સુધી બ્લડ ફ્લો ખૂબ ઓછો થાય છે અથવા બિલ્કુલ થતો જ નથી. જેના કારણે અલ્સર અને ઈન્ફેક્શનની સમસ્યાનો સામનો કરવો પડે છે. જો બ્લડ સર્ક્યુલેશન યોગ્ય રીતે ના થાય તો તેનાથી અલ્સર અને ઈન્ફેક્શનને સારું થવામાં વધુ સમય જાય છે.
આ વસ્તુઓને કારણે પણ વધી જાય છે અંગ કાપવાની શક્યતા
ડાયાબિટીસને કારણે પગ કાપવાની ફેમિલી હિસ્ટ્રી
ઘરના બાકી સભ્યોને ડાયાબિટીસની સમસ્યા
પગમાં અલ્સર
પગમાં ફ્રેક્ચર
વાગેલા ઘામાં ધીરે ધીરે રૂઝ આવવી
પગના નખમાં ફંગસ અથવા કોઈ બીજુ ઈન્ફેક્શન થવુ
ગાંઠ બનવી અથવા કૉર્ન્સ અને કૉલસ