મેક ઈન ઈન્ડિયા અભિયાન હેઠળ દેશની સેનાને સતત મજબૂત કરવામાં આવી રહ્યા છે. સેનાની તાકાતના મુગટમાં વધુ એક કલગી જોડાઈ છે. એન્ટી ટેંક ધ્રુવાસ્ત્ર મિસાઈલનું સફળ પરિક્ષણ કરવામાં આવ્યુ છે. આ મિસાઈલ મેડ ઈન ઈન્ડિયા છે. દુશ્મનને સંપૂર્ણ ધ્વસ્થ કરવાની તાકાત ધરાવે છે.
ભારતીય સેનાને મળી મોટી સફળતા
મેડ ઈન ઈન્ડિયા ધ્રુવાસ્ત્રનું સફળ પરિક્ષણ
ધ્રુવ હેલિકોપ્ટર કરવામાં આવશે તેનાત
ઓડિશાના બાલાસોરમાં 15-16 જુલાઈના રોજ તેનો ટેસ્ટ કરવામાં આવ્યો હતો. આ બાદ તેને સેનાને સોંપવામાં આવ્યું હતું. આનો ઉપયોગ ભારતીય સેનાના ધ્રુવ હેલિકોપ્ટરની સાથે કરવામાં આવશે. એટલે કે અટેક હેલિકોપ્ટર ધ્રુવ પર તેને તૈનાત કરવામાં આવશે. જેથી સમય પર દુશ્મનોને સબક શીખવી શકાય.
#WATCH Trials of Helicopter-launched Nag Missile (HELINA), now named Dhruvastra anti-tank guided missile in direct and top attack mode. The flight trials were conducted on 15&16 July at ITR Balasore (Odisha). This is done without helicopter. pic.twitter.com/Jvj6geAGLY
જોકે જે ટેસ્ટ કરવામાં આવ્યો છે એ હેલિકોપ્ટર વગર કરવામાં આવ્યો છે. પહેલા આ મિસાઈલનું નામ નાગ હતુ. જેને બદલીને ધ્રુવાસ્ત્ર કરવામાં આવ્યુ છે.
આ સ્વદેશી છે. જેની ક્ષમતા 4કિમી સુધી કોઈ પણ ટેંકને નષ્ટ કરવાની છે. આને સ્વદેશી હેલિકોપ્ટરને DRDO અને સેનાની મોટી સફળતા માનવામાં આવી રહી છે. હવે આ મિસાઈલ માટે બીજા દેશ પર નિર્ભર રહેવુ નહીં પડે.
DRDOની વેબસાઈટ મુજબ ધ્રુવાસ્ત્ર ત્રીજી પેઢી છે. જે હલકા હેલિકોપ્ટમાં સ્થાપિત કરી શકાય છે. આ તમામ વાતાવરણમાં રાત દિવસે કામ કરવા સક્ષમ છે. તેમજ પારંપરિક કવચ સાથે વિસ્ફોટક પ્રતિક્રિયાશીલ કવચની સાથે યુદ્ધ ટેંકોને નષ્ટ કરી શકે છે.
ઉલ્લેખનીય છે કે ચીનની સરહદ પરની અવળચંડાઈ બાદ મેક ઈન ઈન્ડિયા અભિયાનને વેગ મળ્યો છે જેને વધુ મજબૂત કરવા આ મિસાઈલ તૈયાર કરવામાં આવી છે. નોંધનીય છે કે ફાંસથી આવી રહેલા ફાઈટર પ્લેન રાફેલને અંબાલામાં તૈનાત કરવામાં આવશે.