લોકડાઉનને કારણે હવે જૂના સીરિયલ્સ દરેક ચેનલ્સ પર દેખાડવામાં આવી રહ્યાં છે. દૂરદર્શન પર રામાયણ અને મહાભારત બાદ હવે અન્ય ચેનલો પર પણ જૂના શો ફરી પ્રસારિત કરવામાં આવી રહ્યાં છે. જેમાં લોકપ્રિય સીરિયલ 'જય શ્રી કૃષ્ણા'નું નામ પણ સામેલ છે. આમાં બાળ કૃષ્ણનો રોલ પ્લે કરનાર છોકરો નહીં પણ છોકરી હતી. જે આજે મોટી થઈ ગઈ છે અને તેને જોઈને તમે ઓળખી પણ નહીં શકો કે આ એ જ ક્યૂટ બાળ કૃષ્ણ છે.
કલર્સના 'જય શ્રી કૃષ્ણા'શોએ જબરદસ્ત પ્રસિદ્ધિ મેળવી હતી
તેમાં બાળ કૃષ્ણની ભૂમિકા છોકરાએ નહીં પરંતુ છોકરીએ નિભાવી હતી
આ સીરિયલમાં ભગવાન કૃષ્ણનો બાળપણનો રોલ ધૃતિ ભાટિયાએ કર્યો હતો અને ખૂબ પ્રસિદ્ધિ મેળવી હતી. આ શોમાં બાળ કૃષ્ણા બનેલી ધૃતિનો માસૂમ ચહેરો અને નટખટ અંદાજે એ સમયે દર્શકોનું મન મોહી લીધું હતું અને આ શો ખૂબ ચર્ચામાં પણ રહ્યો હતો. પણ શું તમે જાણો છો કે, 'જય શ્રી કૃષ્ણા'માં બાળ કૃષ્ણનો રોલ પ્લે કરનાર ધૃતિ ભાટિયા હવે મોટી થઈ ગઈ છે.
ધૃતિ ભાટિયા તેના ઈન્સ્ટાગ્રામ એકાઉન્ટ પર તેના ફોટોઝ અને વીડિયો શેર કરતી રહે છે. જોકે, હજી સુધી તેનું એકાઉન્ટ વેરિફાઈડ થયું નથી. જેથી આ વાત પર શંકા છે કે, આ ધૃતિ જ એકાઉન્ટ છે કે કોઈ બીજાનું એકાઉન્ટ છે. પરંતુ એક વાત તો છે કે આમાં ધૃતિની ઘણી અનસીન તસવીરો છે જેમાં તે ખૂબ જ અલગ અને ક્યૂટ દેખાઈ રહી છે.
ધૃતિએ 2008માં કલર્સ પર ટેલિકાસ્ટ થનારા શો જય શ્રી કૃષ્ણામાં ભગવાનના બાળપણનો રોલ પ્લે કર્યો હતો. એ સમયે તે ખૂબ જ નાની હતી. તેનું મનમોહક સ્મિત લોકોના દિલમાં વસી ગયું હતું. જોકે, હવે ધૃતિ મોટી થઈ ગઈ છે અને તેની સ્માઈલ આજે પણ ક્યૂટ છે. જે સમયે ધૃતિ કૃષ્ણાનો રોલ પ્લે કરી રહી હતી ત્યારે તે માત્ર 3 વર્ષની હતી.
દર્શકોના આ બાળ કૃષ્ણ એટલા પસંદ આવ્યા હતા કે લોકો તેના જોવા માટે સીરિયલની રાહ જોતા હતા. આ સીરિયલને સાગર પિક્ચર્સના બેનર હેઠળ રામાનંદ સાગરના દિકરા મોતી સાગરે બનાવી હતી. આ સીરિયલ દૂરદર્શન પર ટેલિકાસ્ટ થવાના રામાનંદ સાગરના પોપ્યુલર શો શ્રી કૃષ્ણાનું રિમેક હતું. હવે આ સીરિયલ ફરીથી કલર્સ પર ટેલિકાસ્ટ કરવામાં આવી રહ્યું છે.