વારંવાર રજૂઆત છતાં સમસ્યાનો ઉકેલ નહીં આવતા MLA અને અધિકારી વચ્ચે ઝપાઝપી

ધોરાજીના ધારાસભ્ય લલિત વસોયાએ મતવિસ્તારની સમસ્યાને લઈ એક અધિકારીને ખખડાવ્યા હતા. જેતપુર પ્રદૂષણ નિયંત્રણ કચેરીમાં કામ કરતા અધિકારીને પીવાના પાણીની સમસ્યાને લઈ ખખડાવ્યા હતા. ભાદર નદીમાં પ્રદૂષણ નિવારણ ન થતા ધારાસભ્યએ અધિકારીનો ઉધડો લીધો હતો. 

આપને જણાવી દઈએ કે ધોરાજી પંથકમાં પીવાના પાણીને લઈ મોટી સમસ્યા છે. પરંતુ અવાર નવાર રજૂઆત છતાં કોઈ સમાધાન ન આવતા ધારાસભ્યએ અધિકારીની કચેરીમાં જઈ અધિકારીને સમસ્યાનું સમાધાન લાવવા રજૂઆત કરી હતી. ઘણા અધિકારીઓ લોકોની સમસ્યાને નજર અંદાજ કરી રહ્યા છે. પરંતુ વસોયા જેવા ઝાંબાઝ ધારાસભ્યએ જનતાને અવાજ ઉઠાવ્યો હતો અને અધિકારીને જનતાની સમસ્યાનું સમાધાન કરવા અપીલ કરી હતી.



ઉલ્લેખનીય છે કે ધોરાજીના ધારાસભ્ય લલિત વસોયાએ આજરોજ પોતાના મત વિસ્તારની સમસ્યા બાબતે આજરોજ અધિકારીઓને ખખડાવ્યા હતા. એક તરફ ધોરાજી પંથકમાં પીવાના પાણીની સમસ્યા બાબતે અવારનવાર રજૂઆત કરવામાં આવી છે તેમ છતાં સ્થાનિક તંત્ર દ્વારા કોઇપણ પ્રકારના પગલા નહીં લેવાતા આજરોજ સ્થાનિક ધારસભ્ય કચેરીની મુલાકાતે ગયા હતા અને આ મામલે ચર્ચા કરીને ખખડાવ્યા હતા.