દોઢ લાખના તોડની વાતચીતનો ઓડિયો વાયરલ થતા ધોરાજીના ASI રમેશ બોદરને સસ્પેન્ડ કરવામાં આવ્યા.
ધોરાજીના ASIનો તોડકાંડનો ઓડિયો વાયરલ મામલો
રૂરલ SP જયપાલસિંહ રાઠોડે ASI રમેશ બોદરને કર્યા સસ્પેન્ડ
દોઢ લાખના તોડની વાતચીતનો ઓડિયો થયો હતો વાયરલ
ધોરાજીના ASI પોલીસકર્મીનો તોડકાંડનો જે ઓડિયો વાયરલ થયો હતો તે મામલે રૂરલ SPએ કડક કાર્યવાહી કરી છે. ધોરાજીના ASI રમેશ બોદરને રૂરલ SPએ સસ્પેન્ડ કરી દીધા છે.
રૂરલ SP જયપાલસિંહ રાઠોડે ASI રમેશ બોદરને દોઢ લાખના તોડકાંડ મામલે સસ્પેન્ડ કર્યા છે. મહત્વનું છે કે, ASI રમેશ બોદરે ફોનમાં વાતચીત દરમ્યાન આરોપી બાબર કુરેશી પાસેથી દોઢ લાખની માંગણી કરી હતી. જેનો ઓડિયો પણ વાયરલ થયો હતો. જેના લીધે આ ઓડિયો વાયરલ થતા પોલીસની કામગીરી સામે પણ સવાલ ઉઠ્યા છે.
ધોરાજીમાં પોલીસકર્મીનો તોડકાંડનો ઓડિયો વાયરલ થવા મામલે ધોરાજીના ASI રમેશ બોદરને રૂરલ SPએ કર્યા સસ્પેન્ડ, દોઢ લાખના તોડની વાતચીતનો ઓડિયો થયો હતો વાયરલ#Gujarat
— VTV Gujarati News and Beyond (@VtvGujarati) June 26, 2022
ઉલ્લેખનીય છે કે, ધોરાજીમાં મકાન ખાલી કરાવવા બાબતે આરોપી બાબર કુરેશીએ ઈમરાન નામની વ્યક્તિને માર માર્યો હતો. ત્યારે આ મામલે આરોપી બાબર કુરેશી અને ASI રમેશ બોદર વચ્ચે વાતચીત થયાનો એક ઓડિયો વાયરલ થયો છે. જે ઓડિયો ક્લિપમાં પોલીસના સેટિંગનો પર્દાફાશ થયો છે. આરોપી હાજર થાય એ પહેલાં આરોપી અને ASI રમેશ બોદરની ઓડિયો ક્લિપ સામે આવી હતી. આ ઓડિયો ક્લિપમાં દોઢ લાખમાં સેટિંગ કરવાની વાતચીત થઈ હતી. જો કે, આ ઓડિયો ક્લિપ વાયરલ થયા બાદ રૂરલ SPએ ASI રમેશ બોદર વિરૂદ્ધ એક્શન લેતા રમેશ બોદરને SPએ સસ્પેન્ડ કરી દીધા છે.
Viral Audioમાં આરોપી બાબર કુરેશી અને રમેશભાઈ બોદર ASI વચ્ચે વાતચીત થઇ રહી છે. જેમાં બાબર કુરેશી કહે છે કે, 'કાકા મારી વાત સાંભળો, મારા કાકા, તમે ક્યો ને ઇ ટાઇમે બાબર કુરેશી તમને ખબર છે ને 302 ડીડીવાળામાં આવી ગયો છે તો બાબર કુરેશી જિંદગીમાં પોલીસનો સાથ આપે, પોલીસને હેરાન નો કરે, મારા કાકા રમેશભાઇ, આપ સાહેબ જ્યારે કહેશો ને ત્યારે આવી જઇશ. પણ મને થોડોક ટાઇમ આપો. મારું માથું બધુ જ બહુ બીમાર છે. ત્યારે સામે ASI કહે છે તું એક વસ્તુ સાંભળ, વસ્તુ સાંભળ તું.'
ત્યારે ફરી બાબર કુરેશી કહે છે કે મારી વાત સાંભળો, મારે આવું નથી કરવું.' પછી ASI કહે છે કે, 'આ મારામારીની વસ્તુ નહીં ચલાવાય, SP સાહેબ નવા આવ્યા છે. એ અમને એટલું ઓલું કરે છે, એટલું ઓલું કરે છે કે ખોટું તું એ ભાગતો રહે અને અમારે પણ તારી પાછળ ગાંડાની જેમ તારી વાંહે ભાગવું.'
તું એક કામ કર, સાંજ થાય ત્યાં સુધીમાં આવી જા, હું બેઠો છું ને: ASI
એટલે બાબર કુરેશી કહે છે કે, 'આ મારે પે મારી વાત તો સાંભળો, રમેશભાઇ. બે મોબાઇલ સ્વિચ ઓફ કરીને મુંબઇ-ગોવા અને દુબઇ ભાગી જવું એવું નથી કરવું. સાંભળો, મને ખાલી તમે પાંચ દિવસનો ટાઇમ આપો.' ત્યારે સામે ASIએ કહ્યું કે, 'નો...નો....નો ભેગું થાય. તારા સમ. SP સાહેબે કહ્યું છે કે ગમે ત્યાંથી શોધો અને પકડો. તું એક કામ કર, સાંજ થાય ત્યાં સુધીમાં આવી જા. હું બેઠો છું ને. તારે કાકાને દોડાવવો છે?
પહેલાં મને કહો કે વ્યવસ્થા કેટલી કરું: આરોપી
સામે બાબર કુરેશીએ કહ્યું કે, 'રમેશભાઇ મારે તમને દોડાવવા નથી. રમેશભાઇ હું ના આવું એવું બને નહીં. રમેશભાઇ હવે મારી વાત સાંભળો કે વ્યવસ્થા કેટલી કરીને આવું. મને કોઇ ગાળ નો બોલે અને બીજી વાત કે મારા છોકરાઓને તમે કહેશો એટલાને હું રજૂ કરી દઇશ. એને કોઇ ગાળ નો બોલે. કાયદેસરની જે પ્રોસેસ થતી હોય તે કરે. પહેલાં મને કહો કે વ્યવસ્થા કેટલી કરું, સગવડ કેટલી કરું એ મને કહી દો.' ત્યારે સામે ASI કહે છે કે, 'એ વ્યવસ્થા ફોન પર ના થાય.' ત્યારે બાબર કુરેશીએ કહ્યું કે, મારા બાપ તમને ખબર છે ને કે વોટ્સએપ કોલ ચાલુ છે, તમને ખબર છે ને કે તમારા ભાણેજ કે ભત્રીજાનું કોઇ દિવસ, જ્યારે હું ફન્ટી બાપુ નથી, ઓ ભાઇ હું ફન્ટી બાપુ નથી.'
SP સાહેબ નવા આવ્યા છે, અમારે પણ તારી પાછળ ગાંડાની જેમ તારી વાંહે ભાગવું: ASI
એટલે ASI કહે છે કે, 'દોઢનું કરીશ, દોઢનું કરીશ.' એટલે કુરેશીએ કહ્યું કે, 'હવે માલિક મારી વાત સાંભળો, 80-90 સુધી કરાવો. બે પાર્ટનર છીએ અમે. 45-50 હું કરી દઉં અને 45-50 એ કરી દે.' બાદમાં ASIએ કહ્યું કે, 'સારું હું હમણાં વાત કરું.' કુરેશી કહે છે કે, 'એટલું કરાવો હો માલિક.' તો ASI કહે છે કે, 'આ મારામારીની વસ્તુ નહીં ચલાવાય, SP સાહેબ નવા આવ્યા છે. ખોટો તું એ ભાગતો રહે અને અમારે પણ તારી પાછળ ગાંડાની જેમ તારી વાંહે ભાગવું.'
એ વ્યવસ્થા ફોન પર ના થાય: ASI
બાબર કુરેશીએ કહ્યું કે, 'પહેલાં મને કહો કે વ્યવસ્થા કેટલી કરું, સગવડ કેટલી કરું એ મને કહી દો.' ત્યારે સામે ASI કહે છે કે, 'એ વ્યવસ્થા ફોન પર ના થાય.' ત્યારે બાબર કુરેશીએ કહ્યું કે, મારા બાપ તમને ખબર છે ને કે વોટ્સએપ કોલ ચાલુ છે'
દોઢનું કરીશ, દોઢનું કરીશ? : ASI
એટલે ASI કહે છે કે, 'દોઢનું કરીશ, દોઢનું કરીશ.' એટલે કુરેશીએ કહ્યું કે, 'હવે માલિક મારી વાત સાંભળો, 80-90 સુધી કરાવો. બે પાર્ટનર છીએ અમે. 45-50 હું કરી દઉં અને 45-50 એ કરી દે.' એટલે ASIએ કહ્યું કે, 'સારું હું હમણાં વાત કરું.'