ક્રિકેટમાં ખેલાડી રેકોર્ડ બનાવવા માટે ખૂબ મહેનત કરે છે અને રેકોર્ડ તૂટવા માટે જ બને છે. ત્રણેય ફોર્મેટમાં ક્વિન્ટન ડીકોક સાઉથ આફ્રિકા માટે સતત સારું પ્રદર્શન કરી રહ્યો છે.
ક્વિન્ટન ડીકોકે તોડ્યો ધોનીનો રેકોર્ડ
10 હજાર રન પૂરા કરનારો સૌથી યુવા વિકેટકીપર બન્યો
સૌથી વધુ સદી ફટકારવામાં ગિલક્રિસ્ટની કરી બરાબરી
ડીકોક 10 હજાર રન પૂરા કરનારો સૌથી યુવા વિકેટકીપર બન્યો
ડીકોકે આયર્લેન્ડ સામે 120 રન ફટકારીને આંતરરાષ્ટ્રીય ક્રિકેટમાં 10 હજાર રન પૂરા કરનારો સૌથી યુવા વિકેટકીપર બન્યો. આ રેકોર્ડ પેહલા ભારતના પૂર્વ વિકેટકીપર કપ્તાન ધોની પાસે હતો. ધોનીએ 30 વર્ષ 99 દિવસની વયે આ રેકોર્ડ પોતાના નામે કર્યો હતો પરંતુ ડીકોકે માત્ર 28 વર્ષ 211 દિવસમાં આ રેકોર્ડ પોતાના નામે કરી દીધો છે.
ધોનીએ 293 મેચમાં 10 હજાર રન બનાવ્યા હતા પરંતુ ડીકોકે આ રેકોર્ડ માત્ર 259 મેચમાં જ હાંસિલ કરી દીધો તે સાથે જ ડીકોકે ઓસ્ટ્રેલિયાના દિગ્ગજ ખેલાડી એડમ ગિલક્રિસ્ટનો 272 મેચમાં 10 હજાર બનવાનો રેકોર્ડ પણ તોડી દીધો.
આ ઇનિંગની સાથે જ ડીકોક સૌથી વધુ સદી ફટકારનારા વિકેટકીપરોની લિસ્ટમાં બીજા ક્રમાંકમાં આવી ગયો છે. આ રેકોર્ડ અત્યારે શ્રીલંકાના દિગ્ગજ ખેલાડી કુમાર સંગાકારાના નામે છે. સંગાકારાએ 23 સદી ફટકારી છે જ્યારે ડીકોક 16 સદીની સાથે ગિલક્રિસ્ટની બરાબરી કરી છે. સાઉથ આફ્રિકા તરફથી સૌથી વધુ સદી ફટકારનારા ખેલાડીઓમાં ડીકોક પાંચમા સ્થાને પહોંચી ગયો છે. આફ્રિકા તરફથી હાશિમ અમલાએ સૌથી વધુ 23 સદી ફટકારી છે.