એક વર્ષથી ક્રિકેટથી દૂર રહેલા મહેન્દ્રસિંહ ધોનીનો નવો લૂક સોશ્યલ મિડીયા પર ખૂબ વાયરલ થઇ રહ્યો છે, જેમાં તે અલગ પ્રકારના દાઢી અને મૂછમાં દેખાઇ રહ્યો છે. ધોનીના આ લૂકે સોશ્યલ મિડીયામાં સનસની મચાવી દીધી છે .
ધોનીનો દાઢી-મૂછવાળો લૂક વાયરલ
અમિતાભ સાથે કરી રહ્યો છે એડ ફિલ્મ
મળતી માહિતી અનુસાર, આ લૂક એક એડ માટે હતો અને મોટર કંપની ટીવીએસે અમિતાભ બચ્ચન અને ધોનીની એક એડ ફિલ્મનું ટીઝર લોન્ચ કર્યુ છે. તમને જણાવી દઇએ કે ટીઝર વીડિયો ઘણા સમય પહેલા શૂટ કરવામાં આવ્યો હતો, બિગ-બી હાલ કોરોનાગ્રસ્ત હોવાને કારણે હોસ્પિટલમાં છે તો શૂટિંગ કરવું શક્ય નથી.
હજૂ એ બહાર નથી આવ્યું કે, આ વાયરલ તસવીર તે એડ ફિલ્મનો હિસ્સો છે કે નહી કારણકે ધોનીના નોર્મલ લૂક કરતા આ લૂક ઘણો બધો અલગ છે. તમને જણાવી દઇએ કે, ધોની છેલ્લા વર્લ્ડ કપ બાદથી જ ક્રિકેટથી દૂર છે અને રાંચીમાં તેમના ફાર્મ હાઉસ પર પરિવાર સાથે સમય વિતાવી રહ્યાં છે.
છેલ્લે ધોનીનું નિવેદન સુશાંત સિંહ રાજપૂતને લઇને આવ્યું હતું. સુશાંતે જ્યારે આત્મહત્યા કરી ત્યારે ધોની ખૂબ દુખી થઇ ગયા હતા અને તેમણે સુશાંતના નિધન મુદ્દે પ્રતિક્રિયા આપી હતી. ધોની ઘણા સમયથી પોતાના સોશ્યલ મિડીયાથી પણ દૂર છે.