IPL 2022 / ધોનીનાં કારણે પ્લેઓફની રેસમાંથી બહાર થઈ ગયું CSK, આ નિર્ણય આખી ટીમને ભારે પડ્યો

• સીએસકે અને આરસીબી વચ્ચે હતી મેચ 
• બ્રાવોને પ્લેયિંગ 11માં સામેલ ન કરવાનો ધોનીનો નિર્ણય પડ્યો ભારે
• સીએસકેને 13 રનથી મળી માત  

સીએસકે અને આરસીબી વચ્ચે હતી મેચ 

IPL 2022ની 49મી મેચમાં ચેન્નાઈ સુપર કિંગ્સને રોયલ ચેલેન્જર્સ બેંગ્લોર સામે હારનો સામનો કરવો પડ્યો. આ હાર સાથે જ સીએસકેની ટીમ હવે પ્લે ઓફની રેસમાંથી બહાર થઇ ચુકી છે. સીએસકેનું પ્રદર્શન આ સીઝનમાં ખરાબ રહ્યું છે. પહેલા આ ટીમ રવીન્દ્ર જાડેજાની કેપ્ટન્સીમાં કોઈ ખાસ કમાલ ન કરી શકી અને હવે મહેન્દ્ર સિંહ ધોની જેવો કેપ્ટન પણ સીએસકેની નૈયા પાર ન લગાવી શક્યો. આરસીબી સામે મેળેલી હારમાં સૌથી વધારે જવાબદાર ધોની જ છે. 
આરસીબી વિરુદ્ધ ધોનીનાં એક નિર્ણયને કારણે સીએસકેએ હારનો સામનો કરવો પડ્યો હતો.

ધોનીનાં આ નિર્ણયને કારણે હારી સીએસકે 

ધોનીએ આ મેચમાં પણ ટીમના સૌથી ભરોસાલાયક ખેલાડીઓમાંના એક ડ્વેન બ્રાવોને તક ન આપી. આ મેચ પહેલા બ્રાવો સનરાઈઝર્સ હૈદરાબાદ સામેની મેચમાં પણ બહાર હતા. ત્યારે એમ સામે આવ્યું હતું કે બ્રાવોને નાનકડી ઈજા થઇ છે. પરંતુ ટીમ તે મેચ જીતી ગઈ હતી તો ધોનીએ આ મુકાબલામાં પ્લેયિંગ 11માં બ્રાવોને જગ્યા આપવી યોગ્ય ન સમજી. બ્રાવો એક એવા ખેલાડી છે જે બોલની સાથે સાથે બેટ દ્વારા પણ સીએસકેને વર્ષોથી મજબૂતી આપતા આવ્યા છે. 

IPL 2022માં પણ કરી કમાલ 
બ્રાવોની આઈપીએલ 2022માં પણ પ્રદર્શન સારું રહ્યું છે. તેઓ સીએસકે તરફથી આ સીઝનમાં સૌથી વધારે વિકેટ લેનાર બોલર રહ્યા છે. આ ખેલાડીએ માત્ર 8 મેચમાં 14 વિકેટ લીધી છે. બ્રાવોનું ટીમમાં ન હોવું સીએસકેની હારનું સૌથી મોટું કારણ હતું. પરિણામ એ રહ્યું કે સીએસકેની મિડલ ઓર્ડર આરસીબી સામે ફેલ રહી અને 13 રનથી સીએસકેએ હારનો સામનો કરવો પડ્યો. 

#RCB win by 13 runs and are now ranked 4 in the #TATAIPL Points Table.

Scorecard - https://t.co/qWmBC0lKHS #RCBvCSK pic.twitter.com/w87wAiICOa

— IndianPremierLeague (@IPL) May 4, 2022

ધોની પણ બેટિંગમાં રહ્યા ફ્લોપ 
કેપ્ટન્સીની સાથે સાથે ધોની બેટિંગમાં પણ ફ્લોપ રહ્યા છે. આરસીબી સામે આશા હતી કે ધોની મેચને ફિનિશ કરવાની કોશિશ કરશે પરંતુ આ ખેલાડી માત્ર 2 રન બનાવીને પવેલિયન પાછા ફર્યા. આ ઉપરાંત રવીન્દ્ર જાડેજા પણ ફ્લોપ રહ્યા. જાડેજા આ મેચમાં પણ 3 રન બનાવીને આઉટ થઇ ગયા જ્યારે તેઓ એકપણ વિકેટ ન લઇ શક્યા.