નિવેદન / દિનેશ કાર્તિકે કહ્યુ કે, 'ધોની છે ત્યાં સુધી હું ફર્સ્ટ એઇડ કિટ જેવો'

IPLમાં કોલકાતા નાઈટ રાડઈર્સ (KKR)ના કેપ્ટન દિનેશ કાર્તિક સોમવારે પોતાની પત્ની દીપિકા અને kKRના CEO સાથે લંચ કરી રહ્યો હતો. ત્યારે જ દીપિકાનો ફોન વાગ્યો. તેના પિતાએ કાર્તિકને વર્લ્ડ કપની ટીમમાં સિલેક્ટ થયો હોવાની ખુશખબર આપી, જેના સાંભળી કાર્તિક ખુશીથી ઉછળી પડ્યો. તેનુ ખુશ થવાનું મોટુ કારણ પણ છે કે, 12 વર્ષ પછી કાર્તિકનુ વર્લ્ડ કપ ટીમમાં કમબેક થયુ છે.

દિનેશ કાર્તિકે મંગળવારે પત્રકારો સાથે વાતચીતમાં કહ્યું કે, ''આ મોટો પ્રસંગ છે હુ ખૂબ જ ભાગ્યશાળી છુ અને ખુશ છું.'' અનુભવી વિકેટકિપર બેટ્સમેને કહ્યુ કે,'' 2019 વર્લ્ડ કપ માટે મારી સફર બે વર્ષ પહેલા શરૂ થઈ હતી. મને વિશ્વાસ થયો કે, જો હું કંઇક ખાસ કરીશ તો આ શાનદાર ટીમનો હિસ્સો બની શકીશ જે વર્લ્ડકપ રમશે.''

ઓસ્ટ્રેલિયા સામેની સીરિઝ માટે કાર્તિકનું સિલેક્શન ન થયુ તો ઘણા લોકોને લાગ્યુ કે, તેને વર્લ્ડ કપની ટિકિટ નહી મળે. કાર્તિકે કહ્યું કે, તે આ પ્રકારનું પ્લાનિંગ કરી ચૂક્યો હતો એટલે બિલકુલ નિરાશ નહોતો થયો. તમિલનાડુના ક્રિકેટરે કહ્યું, ''MSK પ્રસાદે મને ફોન કરીને કહ્યુ કે, અમે બંને વિકેટકીપર્સ (પંત અને કાર્તિક)ને બરાબર તક આપવાનો નિર્ણય લીધો છે.'' પ્રસાદે સ્પષ્ટ કર્યું હતું કે, તે મને ભારતના ઑસ્ટ્રેલિયા અને ન્યૂઝીલેન્ડ પ્રવાસ પર મને તક આપશે અને પછી મારું પ્રદર્શન  જેવુ પણ હોય, કંગારૂની ટીમ વિરુદ્ઘ ઘરઆંગણાની સીરિઝમાં પંતને તક આપવામાં આવશે. બહુ સ્પષ્ટ વાત કહેવામાં આવી હતી જે મને ખૂબ જ પસંદ આવી.
 

જોકે, પ્રસાદે સોમવારે સંકેત આપ્યા કે, દિનેશ કાર્તિક એમએસ ધોનીના વિકલ્પ તરીકે શામેલ કર્યો છે. કાર્તિકે કહ્યુ કે, ''ટીમ મેનેજમેન્ટ દ્વારા મળેલી કોઇપણ જવાબદારી નિભાવવા માટે તૈયાર છે. તેણે મજાકિયા અંદાજમાં કહ્યુ કે, જ્યાં સુધી ધોનીની વાત છે હું એક નાનકડી ફર્સ્ટ એડ કિટ છું જે ટીમની સાથે મુસાફરી કરશે, જો ધોની ઇજાગ્રસ્ત થશે તો હું બેન્ડ એડ બનીશ.''

33 વર્ષીય કાર્તિકે કહ્યું, ''જો તક મળી તો મારે નંબર-4 અથવા ફિનિશરની ભૂમિકા ભજવવી પડી શકે છે, જેના માટે હું તૈયાર છું. IPL બાદ હું દરરોજ તૈયારી કરશી જો સ્પેશિયલાઇઝ્ડ બેટ્સમેન તરીકે પ્રદર્શન કરી શકુ  અને આ ભૂમિકા હું પહેલા પણ ભજવી ચૂક્યો છુ.''
 

33 વર્ષીય કાર્તિકે કહ્યું, ''જો તક મળી તો મારે નંબર-4 અથવા ફિનિશર તરીકેની ઓળખ બનાવી, આનો શ્રેય તે અભિષેક નાયરને આપે છે. તેણે કહ્યુ કે, ‘નાયરે મને વિશ્વાસ અપાવ્યો કે, મારી અંદર મેચ ખતમ કરવાની ક્ષમતા છે અને તેના માટે થોડા અભ્યાસની જરૂર છે. મારે થોડા અલગ શોટ શીખવાની જરૂર હતી. જોકે મેં ક્યારેય ફિનિશર બનવાનું પ્લાનિંગ કર્યુ નહોતુ. મેં મુશ્કેલ સમયમાં પણ નિરંતર સારું પ્રદર્શન કરવાનો પ્રયત્ન કર્યો.''