IPL 2022 / VIDEO: લાઈવ મેચમાં ક્રિકેટને બદલે ફૂટબોલ રમવા લાગ્યો ધોની, ફેન્સ બોલ્યા ફૂટબોલ તો માહીનો ફર્સ્ટ લવ છે

• મેદાન પર ધોની રમવા લાગ્યો ફૂટબોલ 
• ધોનીનો વીડિયો વાયરલ 
• કોલકાતા નાઈટરાઈડર્સ, ચેન્નાઈ સુપર કિંગ્સ સામે વિજેતા રહી

મેદાન પર ધોની રમવા લાગ્યો ફૂટબોલ 

પૂર્વ કપ્તાન મહેન્દ્રસિંહ ધોનીનો ફૂટબોલ પ્રેમ કોઇથી છૂપો નથી. તેઓ ક્રિકેટ પ્રેક્ટીસ દરમિયાન પણ પોતાની ફૂટબોલ સ્કિલ્સ બતાવતા આવ્યા છે. કંઈક આવું જ બન્યું ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે શનિવારે રમવામાં આવેલ મેચમાં. IPL 2022નાં પહેલા મુકાબલામાં ધોની ઐતિહાસિક વાનખેડે સ્ટેડિયમમાં ક્રિકેટ બોલથી ફૂટબોલ રમતા જોવા મળ્યા હતા. આ મોમેન્ટનો વીડિયો સોશિયલ મીડિયા પર વાયરલ થઈ રહ્યો છે. 

Because Football his first love ❤️#IPL2022 #KKRvCSK #MSDhoni pic.twitter.com/ej4J7cEefE

— s. (@DhoniBhakt_) March 26, 2022

ધોનીનો વીડિયો વાયરલ 

કેકેઆરનાં દાવની ચોથી ઓવર એડમ મિલ્ને નાંખી રહ્યા હતા. મિલ્નેનાં ત્રીજા બોલ પર રહાણેએ ડિફેન્સીવ શોટ રમ્યો. ધોનીએ બોલને હાથથી ન ઉઠાવતા ફૂટબોલ રમવાના અંદાજમાં બંને પગથી ડ્રીબલ કરવા લાગ્યા. જયારે ધોની મેદાન પર બેટિંગ કરવા ઉતર્યા, તો આખા સ્ટેડિયમેં સ્ટેન્ડિંગ ઓવેશન આપ્યું હતું. તેમણે મેચમાં હાફ સેન્ચ્યુરી પણ ફટકારી. 

pic.twitter.com/LeW3XBqalY

— Sam (@sam1998011) March 26, 2022

વાનખેડે સ્ટેડિયમમાં IPL 2022ની પહેલી મેચમાં કોલકાતા નાઈટ રાઈડર્સએ ચેમ્પિયન ચેન્નાઈ સુપર કિંગ્સને હરાવી છે. 

કોલકાતા નાઈટરાઈડર્સ, ચેન્નાઈ સુપર કિંગ્સ સામે વિજેતા રહી

IPL 2022ની પહેલી મેચ ગઈકાલે એટલે કે 26 માર્ચ 2022નાં રોજ ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે રમવામાં આવી હતી. જેમાં શ્રેયસ અય્યરની ટીમ કોલકાતા નાઈટ રાઈડર્સ વિજેતા રહી હતી. કોલકાતાએ 9 બોલ પહેલા સ્કોર કરીને મેચ જીતી હતી. આના પ્રિમેચ શોમાં બોલિવુડ અભિનેત્રી દિશા પટની અને કેટરીનાએ તથા આલીયાએ ફેંસને ખાસ મેસેજ આપ્યો છે. તો બીજી બાજુ ચેન્નાઈએ બેક ટૂ બેક વિકેટ ગુમાવી અને મેદાન વચ્ચે પ્રેશરમાં આવી જતા જાડેજાએ હેલમેટ પર પણ બેટ માર્યું હતું. મેચમાં મુશ્કેલીનાં સમયમાં મહેન્દ્રસિંહ ધોની અને જાડેજાએ સારા રન બનાવી ટીમને પાંચ વિકેટ પર 131 રન અપાવ્યા. જવાબમાં કોલકાતાએ અજિંક્ય રહાણે તરફથી મળેલ સારી શરૂઆતનો ફાયદો ઉઠાવતા 18.3 ઓવરમાં ચાર વિકેટ ગુમાવીને લક્ષ્ય પ્રાપ્ત કર્યું.