ક્રિકેટ / માહી માર રહા હૈ! IPL પહેલા પ્રેક્ટિસ દરમ્યાન ધોની કર્યો ચોગ્ગા અને છગ્ગાનો વરસાદ, VIDEO થયો વાયરલ

• ધોનીની બેટિંગનો વીડિયો વાયરલ 
• ધોની કર્યો ચોગ્ગા અને છગ્ગાનો વરસાદ 
• ધોનીની આ છેલ્લી આઈપીએલ હોઈ શકે

ઈન્ડિયન પ્રીમિયર લીગ IPL 2023 31 માર્ચથી શરૂ થશે જેમાં પહેલી મેચ ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઈ સુપર કિંગ્સ (CSK) વચ્ચે રમાશે. જણાવી દઈએ કે IPLની આગામી સિઝન માટે ચેન્નાઈ સુપર કિંગ્સની તૈયારી શરૂ થઈ ગઈ છે એવામાં ખાસ કરીને ચાહકોના ફેવરિટ અને ચેન્નાઈ સુપર કિંગ્સના કેપ્ટન મહેન્દ્ર સિંહ ધોની આગામી આઈપીએલ સિઝન માટે ખાસ તૈયારીઓ કરી રહ્યા છે.

ધોનીની બેટિંગનો વીડિયો વાયરલ 
જણાવી દઈએ કે આ તૈયારી દરમિયાન CSK ટીમ માટે ચેપોક સ્ટેડિયમમાં આયોજિત પ્રેક્ટિસ સત્રમાં ધોનીએ ઘણા ચોગ્ગા અને છગ્ગા ફટકાર્યા હતા. ગુરુવારે ચેન્નાઈ સુપર કિંગ્સે પણ પોતાના ઓફિશિયલ ટ્વિટર એકાઉન્ટ પરથી ધોનીની બેટિંગનો એક વીડિયો શેર કર્યો છે જે હાલ ઘણો વાયરલ થઈ રહ્યો છે.

Thala Update!
⏳: 1️⃣9️⃣ : 2️⃣9️⃣#WhistlePodu #Yellove 🦁💛 pic.twitter.com/lr5a1c3E6i

— Chennai Super Kings (@ChennaiIPL) March 9, 2023

ધોની કર્યો ચોગ્ગા અને છગ્ગાનો વરસાદ 
CSK એ ગુરુવારે વિડીયો શેર કર્યો હતો જેમાં  મહેન્દ્ર સિંહ ધોનીની બેટિંગ પ્રેક્ટિસ કરી રહ્યો છે અને આ વીડિયોમાં કેપ્ટન મહેન્દ્ર સિંહ ધોની મેદાનની ચારેય બાજુ લાંબી સિક્સર મારતો જોવા મળી રહ્યો છે. જણાવી દઈએ કે IPL 2023 પહેલા ધોનીના બેટમાંથી નીકળતી આ સિક્સ જોઈને ફેન્સ ખૂબ જ ખુશ છે. ચાહકોને પૂરી આશા છે કે પ્રેક્ટિસની જેમ IPLમાં પણ ધોનીનું બેટ જોરદાર બોલશે. 

One click to view the complete 💥 📸 from yesterday evening!#WhistlePodu #Yellove 🦁💛

— Chennai Super Kings (@ChennaiIPL) March 10, 2023

ધોનીની આ છેલ્લી આઈપીએલ હોઈ શકે
ધોની અત્યારે 41 વર્ષનો છે અને જુલાઈમાં 42 વર્ષનો થઈ જશે. પરંતુ આજે પણ ધોનીનું શરીર સંપૂર્ણપણે ફિટ દેખાય છે. ચેન્નાઈ સુપર કિંગ્સે એમએસ ધોનીની કપ્તાનીમાં ચાર વખત આઈપીએલ ટ્રોફી જીતી છે. જો કે ધોનીની આ છેલ્લી આઈપીએલ હોઈ શકે છે.