ધોઈ નાખ્યા! / પહેલા જ બોલથી, 'માહી માર રહા હૈ', ધોનીનો આ નવો અવતાર જોઈ ફેન્સ ખુશમખુશ

• લખનૌ સુપર જાયન્ટ્સ અને ચેન્નાઈ સુપર કિંગ્સ વચ્ચે મુકાબલો 
• લખનૌની ટીમ વિજેતા રહી 
• 6 વિકેટથી ચેન્નાઈ સુપર કિંગ્સને મળી હાર 

લખનૌ સુપર જાયન્ટ્સ અને ચેન્નાઈ સુપર કિંગ્સ વચ્ચે મુકાબલો 

IPL 2022માં ગુરુવારે ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે રોમાંચક મેચ રમવામાં આવી. ચેન્નાઈએ પહેલી વાર બેટિંગ કરતા 210 રનનો સ્કોર બનાવ્યો. પરંતુ લખનૌ સુપર જાયન્ટ્સની પણ ધમાકેદાર બેટિંગ જોવા મળી.

છેલ્લી ઓવર્સમાં લખનૌએ જે ધમાલ મચાવી, તેની મદદથી ટીમે 6 વિકેટથી જીત મેળવી. IPLનાં ઈતિહાસમાં આ લખનૌની પહેલી જીત છે, જે યાદગાર સાબિત થઇ છે. લખનૌની ટીમે 19.3 ઓવરમાં 211નું લક્ષ્ય પૂરું કર્યું હતું. 

છેલ્લી ઓવરમાં બદલાઈ ગઈ મેચ 
લખનૌ સુપર જાયન્ટ્સની ટીમને છેલ્લી બે ઓવરમાં 34 રનની જરૂર હતી. જ્યારે ચેન્નાઈ સુપર કિંગ્સનાં શિવમ દુબેએ બોલિંગ કરી ત્યારે તેમના પહેલા જ બોલમાં આયુષ બદોનીએ છક્કો માર્યો હતો, જ્યાર બાદથી મેચ વધારે રોમાંચક બની ગઈ હતી. આવા સમયમાં 22 વર્ષના આયુષ બદોનીએ લખનૌની કિસ્મત પલટી નાંખી. 

जीत मुबारक हो💯
Our first win of the season 💪#LSG #AbApniBaariHai #LSGvCSK #IPL2022

— Lucknow Super Giants (@LucknowIPL) March 31, 2022

19મી ઓવર નાંખવા આવેલા શિવમ દુબેની ભૂલ ચેન્નાઈને ભારે પડી. શિવમ દુબેની ઓવરમાં કુલ 25 રન લખનૌએ બનાવ્યા, જ્યાર બાદથી ચેન્નાઈનું જીતવું મુશ્કેલ બની ગયું હતું. છેલ્લી ઓવરમાં માત્ર 9 રનની જરૂર હતી, જે સરળતાથી લખનૌએ મેળવ્યા. 

Taking the hard luck in its stride! #LSGvCSK #WhistlePodu #Yellove 🦁💛 pic.twitter.com/HT2chTMf5o

— Chennai Super Kings (@ChennaiIPL) March 31, 2022

લખનૌ સુપર જાયન્ટ્સને એક શાનદાર શરૂઆત મળી. ક્વિંટન ડી કોકે 61 રન બનાવ્યા હતા, જયારે કપ્તાન કેએલ રાહુલે પણ 40 રન બનાવ્યા. પરંતુ છેલ્લા માત્ર 23 બોલમાં 55 રન બનાવીને ઇવિન લુઇસે ચેન્નાઈ સુપર કિંગ્સ પાસેથી મેચ છીનવી લીધી. 

Milestone Mahi-mai! Catching feelings for #THA7A 💛#LSGvCSK #WhistlePodu #Yellove 🦁 pic.twitter.com/PDIQ2LQivQ

— Chennai Super Kings (@ChennaiIPL) March 31, 2022

ચેન્નાઈએ પણ કર્યો રનનો વરસાદ 
ચેન્નાઈ સુપર કિંગ્સ માટે ઓપનિંગ કરવા ઉતરેલા રોબીન ઉથપ્પાએ માત્ર 25 બોલમાં જ ફિફ્ટી બનાવ્યા અને ટીમને મજબૂતી આપી. ઋતુરાજ ગાયકવાડ આ મેચમાં ફરી ફેલ થયા અને એક જ રન બનાવી શક્યા. આ સિઝનમાં પહેલી વાર રમી રહેલા મોઈન અલીએ 35 રન બનાવ્યા હતા. 

ચેન્નાઈ માટે શિવમ દુબેએ પણ 49 રન બનાવ્યા. આખરે મહેન્દ્ર સિંહ ધોનીએ માત્ર 6 બોલમાં 16 રન બનાવ્યા અને ટીમનો સ્કોર 210 સુધી પહોંચાડવામાં મદદ કરી. આટલા મોટા સ્કોર બાદ પણ ચેન્નાઈ જીતી શકી નહી અને IPL 2022 તેની આ સતત બીજી હાર હતી.