મહેન્દ્ર સિંઘ ધોની લૉકડાઉનના કારણે હાલ પોતાના હોમટાઉન રાંચીમાં છે. હાલમાં જ તેમનો એ વિડીયો સામે આવ્યો છે જેમાં તે ટ્રેક્ટર ચલાવી રહ્યાં છે. વિડીયોને ચેન્નઇ સુપર કિંગ્સના વેરિફાઇડ ટ્વિટર હેન્ડલ પરથી શૅર કરવામાં આવ્યો છે. મોંઘી કાર અને બાઇકના શોખીન ધોની આ વિડીયોમાં ટ્રેક્ટર ચલાવી રહ્યાં છે. એક વ્યક્તિ ધોનીને ટ્રેક્ટરના ફંક્શન વિશે સમજાવી રહ્યો છે.
ધોની શીખી રહ્યો છે ખેતી
ક્રિકેટ બાદ ખેતી પર અજમાવે છે હાથ
વિડીયો વાયરલ થવા પર ધોનીના ફેન્સ અટકળો લગાવી રહ્યાં છે કે ધોનીએ ક્યા કારણોસર ટ્રેકટ્ર ખરીદ્યુ છે. તમને જણાવી દઇએ કે રાંચીમાં ધોનીનું સાત એકડનુ ફાર્મ હાઉસ છે. ત્યાં હાલમાં તે પોતાના પરિવારની સાથે ક્વોલિટી ટાઇમ સ્પેન્ડ કરી રહ્યાં છે. તેમના ફાર્મહાઉસમાં ઓર્ગેનિક ખેતી કરવા માટે તેમણે આ ટ્રેક્ટર ખરીદ્યું છે.
ધોની આ ખાલી સમયનો સદઉપયોગ કરી રહ્યાં છે. હાલમાં તે જૈવિક ખેતી વિશેની જાણકારીઓ ભેગી કરી રહ્યાં છે. સાથે જ તેમણે સોશિયલ મિડીયાથી દૂરી બનાવી લીધી છે. તે તેમની દરેક ગતિવીધીઓની જાણકારી ચેન્નઇ સુપર કિંગ્સને આપે છે અને CSK ધોનીના ફેન્સ સુધી તેમની દરેક ગતિવીધીઓ પહોંચાડે છે.
ધોનીએ આ ટ્રેક્ટર 8 લાખ રૂપિયામાં ખરીદ્યુ છે. તેમના ફાર્મ હાઉસમાં તેઓ ખેતી કરવા માટે દરેક વાતનું ધ્યાન રાખી રહ્યાં છે. તેમના ફાર્મ હાઉસમાં તે હવથી જૈવિક ખેતી કરવાના છે. ફારમહાઉસમાં તરબૂચની ખેતી તો થાય જ છે સાથે સાથે પપૈયાની પણ ખેતી કરવાના છે.
તમને જણાવી દઇએ કે, બાઇકના શોખીન ધોનીના કલેક્શનમાં હવે આ ટ્રેક્ટર પણ જોડાઇ ગયું છે.