ચેન્નાઈ સુપર કિંગ્સ ચોથું IPL ટાઇટલ જીતી ચૂકી છે અને ચારે તરફ ધોનીનાં ધુરંધરોના વખાણ થઈ રહ્યા છે સાથે લોકો ટીમ લીડર તરીકે ધોનીને પણ વખાણી રહ્યા છે ત્યારે અહીં જુઓ શું કહ્યું દિગ્ગજ ખેલાડીઓએ.
ચેન્નાઇ સુપર કિંગ્સે શુક્રવારે IPL 2021 ની ફાઇનલમાં કોલકાતા નાઇટ રાઇડર્સ (KKR) ને 27 રનથી હરાવીને ચોથી વખત ઇન્ડિયન પ્રીમિયર લીગ (IPL 2021) નો ખિતાબ જીત્યો હતો.
દશેરાંના દિવસે ઘોડું દોડ્યું
ચેન્નાઈને પ્રથમ બેટિંગ માટે આમંત્રણ આપવામાં આવ્યું હતું અને દશેરાંના દિવસે ઘોડું દોડતાં ચેન્નાઇએ ફાફ ડુ પ્લેસિસ દ્વારા 86 અને અન્ય ટોચના ક્રમના બેટ્સમેનોના ઉપયોગી યોગદાનથી ત્રણ વિકેટે 192 રન બનાવ્યા .
જવાબમાં, KKR એ શુભમન ગિલ (51) અને વેંકટેશ અય્યર (50) દ્વારા પ્રથમ વિકેટ માટે 91 રન ઉમેરીને સારી શરૂઆત કરી હતી, પરંતુ તેમની ટીમ અંતે 165 રન જ બનાવી શકી હતી.
ચેન્નાઈની ટીમ એક પરિવાર જેવી છે. ખેલાડીઓના બાળકો મેદાન પર દોડી ગયા હતા અને જીતની ખુશી મનાવી હતી સાથે ઝિવા સહિતના બાળકો પણ ઉજવણીમાં સામેલ થયા હતા.
CSK ટાઇટલ જીતતાની સાથે જ ધોનીની પત્ની સાક્ષી પ્રેક્ષક ગેલેરીમાં વિજયની ઉજવણી કરી રહી હતી. થોડા સમય પછી, સાક્ષી મેદાન પર આવી અને તેના પતિ ધોનીને ગળે લગાવી. સાક્ષીની સાથે જીવા પણ પિતા ધોનીને ગળે લગાવીને વિજયની ઉજવણી કરતી જોવા મળી હતી.
તો સાથે રૈના અને પરિવાર પણ જીતની ઉજવણી કરતાં નજરે પડ્યા હતા અને ગ્રાઉન્ડ પર ધોની સાથે ફોટો પણ પડાવ્યો હતો.
દશેરાંના દિવસે જ ધોનીની જીત ચેન્નાઈની તો દિવાળી!
કેટલાક દિગ્ગજ ક્રિકેટરોએ ખેલાડીઓનાં સાથે ધોનીનાં પણ ભરપેટ વખાણ કર્યા હતા. ક્રિકેટર મોહમ્મદ કેફે લખ્યું હતું કે દશેરાંના દિવસે જ ધોનીની જીત ચેન્નાઈની તો દિવાળી!